SHu kuni "Al Ittihod" mezbon sifatida hamshahari "Al Ahli"ni qabul qiladi. Malumki, har ikki jamoa uy uchrashuvlarini bitta stadionda o'tkazadi. Saudiya Arabistoni Pro ligasi 10-turidan o'rin olgan mazkur bahsga qiziqish hozirdan katta.
Ishonasizmi, chiptalar hali sotuvga chiqarilmasdan qandaydir uch daqiqa ichida 20 mingta chiptaga buyurtma kelib tushdi. Bunaqasi Osiyo futbolida kamdan kam kuzatiladi. Tasavvur qiling-a, 3 daqiqa ichida 20 mingta chiptaga oldindan buyurtma!
Endi Jidda shahrida bo'lib o'tadigan o'yin tanaffus paytida lotereya o'ynaladimi-yo'qmi, buni bilmaymiz. Agar kattaroq birorta sovrin qo'yilganida bir kishi shuncha biletni sotib olibdi deb taxmin qilsa bo'lardi. Lekin sir emas, Saudiyada muxlislar shundoq ham futbolga qiziqadi va buyurtma minglab fanatlar tomonidan berilganini taxmin qilish qiyin emas.
Turnir jadvalida "Al Ittihod" 9ta o'yindan so'ng hali birorta g'alabaga erishmay, 2 ochko to'plagan holda oxirgi o'rinni egallab turibdi. "Al Ahli" esa 19 ochko bilan 3-o'rinda boryapti. Hozircha jadval peshqadami "Al Hilol" - 9ta o'yin, 9 g'alaba, 27 ochko.
25 noyabr kuni bo'lib o'tadigan Jidda derbisi bizning vaqt bilan 21:40da start oladi.
Bunaqasi bo'lmagan! 3 daqiqada 20 mingta chiptaga buyurtma kelib tushdi
/ Kiritdi: BestMaster O'qilgan: 457
Bosh sahifaga
1865