Ushbu yig'in doirasida vakillarimiz dastlab Livan, so'ngra Janubiy Koreya bilan o'rtoqlik uchrashuvlari o'tkazishdi.
Bu bahslarda bitta durang va bitta mag'lubiyat qayd etdik.
Livan bosh murabbiyi Miodrag Radulovich o'yindan avval va keyin saytimiz uchun maxsus fikr bildirib o'tdi. Mana kecha Janubiy Koreya ustozi Paulu Bentu ham o'yindan keyin fikr bildirgan va jahonning ko'plab nashrlarida uning fikrlari chop etildi. Xatto OFK rasmiy saytida ham Bentuning gaplari chiqdi.
Lekin O'zbekiston terma jamoasi bosh murabbiyi Ektor Kuper Avstraliyaga ketishdan oldin ham, Avstraliyada ham umuman intervyu bermadi. Balki o'rtoqlik o'yinlaridan oldin va keyin matbuot anjumanlari bo'lmagandir. Lekin Avstraliyada bo'lib turgan O'FA matbuot xizmati O'zbekistondagi millionlar muxlislar uchun bosh murabbiyning fikrini olib saytga joylasa bo'lar ediku.
Radulovichdan fikr so'rabsizlar, nega Kuperdan so'ramaysizlar deyishingiz mumkin. Terma jamoamiz Avstraliyaga uchib ketishi arafasida Ektor Kuper uchun bir nechta savollar yubordik. Ammo savollar javobsiz qoldi. To'g'ri Kuper bizning saytimizning savollariga javob berishga majbur emas. Lekin hech bo'lmasa O'FA rasmiy saytiga ikki og'iz fikr bildirsa bo'lardiku.
O'FA matbuot xizmati Avstraliyadagi yig'inga olib ketilgani albatta barchamizni quvontirdi. Sababi terma jamoa yig'inidan issiqina rasmlar, videosharhlar berib borildi. Bu yaxshi albatta, lekin Kuper mazkur bahslar haqida "lom-mim" demadi. Har holda O'FA rasmiy saytida bunday xabar chiqmadi.
Narzulla Saydullaev
Bosh sahifaga
387