FIFA kunlari tufayli yuzaga kelgan tanaffusdan so'ng klublar nihoyat yana kurashga kirishishadi.
"Uik end"ning eng muhim va qiziqarli qarama-qarshiliklari haqida to'xtalib o'tamiz.
Germaniya Bundesligasida 12-tur doirasida chempionat peshqadami "Borussiya" jamoasi mudofaa chizig'i juda ishonchli o'ynayotgan "Maync" mehmoni bo'ladi. Amaldagi chempion "Bavariya" esa turnir jadvalida beshinchi o'rindan tepaga sakrash uchun "Fortuna Dyusseldorf" qarshiligini engishiga to'g'ri keladi.
BUNDESLIGA
Franciya 1 Ligasida peshqadam PSJ "Tuluza"ni mehmon qiladi. Inqiroz ko'chasidan chiqib keta olmayotgan va 3 oydan oshiq vaqt davomida g'alaba tamini tatib ko'rmagan "Monako" bu gal "Kan"ga safar qiladi.
FRANCIYA CHEMPIONATI
Italiya A Seriyasida chempionat karvonboshi "Yuventus" Turinda SPAL bilan to'qnashadi. Anchelotti qo'l ostidagi "Napoli" esa hali g'alaba nimaligini bilmay kelayotgan "Kevo"ni mehmon qiladi. "Inter" "Frozinone" bilan kuch sinashadi. A Seriyadagi turning markaziy uchrashuvi Rimda o'tkaziladi. Turnir jadvalida yonma-yon ketayotgan "qo'shnilar": "Lacio" - "Milan" bellashuvi muxlislarda katta qiziqish uyg'otishi aniq.
A SERIYA
Ispaniya La Ligasida mazkur haftadagi qizg'in qarama-qarshilik guvohiga aylanamiz. Peshqadam "Barselona" turnir jadvalida o'zidan ikki pog'ona past, ochkolar bo'yicha bitta kam bo'lgan "Atletiko" mehmoni bo'ladi. Bu to'qnashuv nafaqat La Liganing, balki haftaning eng muhim to'qnashuvlaridan biri bo'ladi.
"Real" esa Solari qo'l ostida "Eybar"ga qarshi mehmonda saf tortadi. CHempionatni ko'tarinki ruhda o'tkazayotgan va turning markaziy bahsida durang natijasidan manfaatdor bo'ladigan "Sevilya" "Valyadolid"ni qabul qiladi.
LA LIGA
Angliya premer ligasida bu hafta yorqin qarama-qarshiliklar odatdagidek ko'p emas. Angliyada haftaning muhim Londonda kechadi. Derbi maqomidagi "Tottenxem" - "CHelsi" to'qnashuvi ko'pchilikning diqqat markazida bo'ladi.
Peshqadam "Siti" esa Londonda "Vest Xem" mehmoni bo'ladi. Manchesterning ikkinchi klubi "Yunayted" bu turda "Kristal Pelas" bilan kurash olib boradi. "Liverpul" "Uotford" qarshiligini safarda engishga urinib ko'radi. O'tgan turda ochko yo'qotgan "Arsenal" "Bornmut" maydoniga safar qiladi.
APL
Bosh sahifaga
165