Bunga qo'shilamiz, zero OFK ham avvalo klublar licenziyalash talabini qanchalik bajarganiga etibor qaratadi. Yaqinda ish yuzasidan Muborakda bo'lib qaytdim. Borishdan maqsad, yangilangan klub akademiyasi holatini o'rganish edi. Bu haqda tez orada alohida maqola yozaman.
Anchadan beri Muborakka bormagandim. O'tgan ikki-uch yil ichida klub infratuzilmasi ancha o'zgaribdi. Stadion batamom qayta tamirdan chiqarilgan, klub akademiyasi zamonaviy ko'rinishga keltirilgan. Stadionda OAV uchun 40 kishilik media-tribuna mavjud. Kiyim almashtirish xonalari ham shinam. Maydon holati esa bazi oliy liga klublarinikidan yaxshi. Dekabr oyida zamonaviy akademiyaning to'liq yotoqxona va oshxonasi ishga tushishi kutilmoqda.
Qisqasi, 2019 yil oldidan aynan infratuzilma bo'yicha Superliganing hech bo'lmasa 6 ta jamoasidan "Mashal" har tomonlama ustun. Jamoa shu kunlarda Superligaga chiqish uchun pley-off bosqichiga tayyorgarlik ko'rmoqda. "Mashal" Superliga chiqa oladimi-yo'qmi, bir narsa deya olmaymiz. Lekin modomiki gap licenziyalash ustida borayotgan ekan, muborakliklar licenziya shartlarini bajara olishadi.
Bosh sahifaga
2066