23 noyabr kuni start oladigan turnirda O'zbekiston, Tojikiston, Afg'oniston, Eron hamda Qirg'iziston milliy ayollar terma jamoalari ishtirok etishadi.Matbuot anjumanida Afg'oniston milliy terma jamoasi bosh murabbiyi Ali Javad Atayi, O'zbekiston terma jamoasi bosh murabbiyi Bahrom Norsafarov, Tojikiston terma jamoasi bosh murabbiyi Sulaymon Bobokalonov hamda Qirg'iziston murabbiyi Gulbara Umatalieva ishtirok etishdi.
Ali Javad Ateyi (Afg'oniston): “Musobaqaga taklif qilishgani uchun raxmat. Musobaqaga barcha jamoalar optimistik kayfiyat bilan tashrif buyurishgan. Jamoamiz yosh, ammo, shunga qaramay eng yaxshi o'yinimizni ko'rsatishga harakat qilamiz”.
Sulaymon Bobokalonov (Tojikiston): “Avvalroq Tokio olimpiadasi uchun saralash bahslarida ishtirok etdik. Musobaqa oldidan bir necha futbolchilarimizda jarohatlar bor. Bungacha juda ko'p turnirlarda ishtirok etdik va o'ylaymanki, CAFA musobaqasi ham bizga ancha foyda bo'ladi”.
Gulbara Umatalieva (Qirg'iziston): “Taklifingiz uchun minnatdorchilik bildiramiz. Hozirda ko'pchilik ayollar oilaviy sabablar tufayli futboldagi faoliyatini yakunlayotgani uchun, milliy terma jamoalar bundan aziyat chekayapti. SHuning uchun ham, terma jamoalarda asosan yosh futbolchilar o'ynayapti. Bu musobaqalar esa, milliy terma jamoalarni kuchaytirish uchun yordam berishi mumkin. Asosiy tarkibdagi futbolchilar asosan yosh futbolchilar. Bunday musobaqalar esa katta tajriba olib kelishi mumkin. Yon qo'shnilarimiz bilan bunday musobaqalarda ko'proq ishtirok etishni va tajriba orttirish tarafdoriman”.
Bahrom Norsafarov (O'zbekiston): “O'zbekistonga xush kelibsiz. Asosiy maqsadimiz – milliy terma jamoaga yoshlarni saralash. Musobaqaga bir qancha yosh futbolchilarni ham taklif etganmiz va bu ular uchun Osiyo chempionati saralashi uchun tayyorarlik vazifasini bajarishi lozim. CHempionat uchrashuvlari endi yakunlandi va futbolchilar biroz charchashgan. Ammo, shunga qaramay, ushbu musobaqada yaxshi ishtirok etishni maqsad qilganmiz”.
Bosh sahifaga
1742