"Neftchi" oxirgi beshta o'yinni yuta olmadi

To'g'ri, kecha jamoa Navoiyda "Qizilqum" bilan durang o'ynadi va buni safardagi ijobiy natija desa bo'ladi. Agar o'yin oxirida Artur Gevorkyan penaltidan unumli foydalanganida farg'onaliklar yutqazib qo'yishlari turgan gap edi.

Lekin umumiy hisobda "Neftchi" Superliganing ikkinchi bosqichidagi oxirgi beshta o'yinda yuta olmadi. Bahrom Haydarov shogirdlari 26-turda uyda "Qizilqum"ni 3:1 hisobida mag'lub etishgandi. SHundan so'ng "Qo'qon-1912", "Nasaf" va "So'g'diyona" bilan kechgan bellashuvlarda imkoniyatni boy berdi. AGMK va "Qizilqum" bilan esa durang qayd etildi.