Ajoyib o'tgan halqaro tanaffusdan so'ng, APL yana qaytmoqda. Nomi bilan hammani birdek o'ziga jalb qila oladigan "London derbisi" shanba oqshomida o'tkaziladi. Mauricio Sarrining "CHelsi"si hozirda dastlabki 12 turda mag'lub bo'lmasdan yaxshi ko'rsatkich bilan 3-o'rinda bormoqda. "Tottenhem" klubi esa "aristokratlar"dan 1 ochko kam to'plagan holda, hamshahrini izma-iz taqib qilib kelmoqda.
Tottenhem – CHelsi 1:0
"Uembli"
Gol: 1:0 - 8 Alli
Tottenhem – Loris, Foyt, Devis, Ore, Alderveyreld, Eriksen, Sissoko, Dayer, Alli, Son, Keyn.
CHelsi –Arrisabalaga, Ryudiger, Alonso, Aspilikueta, David Luiz, Kovachich, Jorjino, Villian, Kante, Azar, Morata.
YANGILASH
Alli "CHelsi"ga qarshi o'zining 6 golini urdi. Ushbu gollarning 4tasiga Kristian Eriksen hammualliflik qildi.
Qachon bo'lib o'tadi: 24 noyabr, 22:30 (Toshkent vaqti bilan)
Musobaqa: Angliya premer-ligasi
Qaerda: "Uembli" stadioni
O'yin prevyusi
"Tottenhem" – "CHelsi" o'rtasidagi bahs doim "lovullatadigan" ko'rinishda bo'ladi. Ayniqsa, "shporlar"ning klub sifatida sezilarli rivojlangani, "London derbisi" ahamiyatini oshishiga sabab bo'ldi. Bu davrda Maurisio Pochettino shogirdlari 2017/18 yilgi mavsumda so'nggi 28 yil ichida ilk bor "Stemford Brij"da g'alaba qozonib qaytishdi. Bungacha, ushbu klublar o'rtasidagi o'zaro uchrashuvlarda "Tottenhem" "ko'klar"ning ketma-ket 13 o'yindan iborat g'alabali seriyasiga yakun yasagandi.
"Tottenhem" g'alaba qozonsa, turnir jadvalida "CHelsi"dan ilgarilab ketadi va ushbu mavsumda Sarrini enggan birinchi jamoaga aylanadi.
"Tottenhem" o'zida yuqorida borayotgan jamoalardan ikkitasi bilan bellashishga ulgurdi. "Liverpul" va "Manchester Siti"ga qarshi kechgan har ikkala to'qnashuvda ham mag'lubiyatga uchradi. Bundan ko'rinadiki, SHimoliy London jamoasiga bu bahsda ham ochko olish oson bo'lmaydi.
Uchrashuv qaysi kanallarda namoyish etiladi?
Futbol TV va Match TV
"Championat.asia" sayti ushbu markaziy uchrashuvni onlayn yoritib borishni rejalashtirgan.
"Tottenhem" yangi bosqichga chiqishga tayyormi?
Pochettinoning tanqidlarga uchrayotganining asosiy sababi - sovrinlarning yo'qligi. Jamoani 2014 yil 27 mayidan beri boshqarib kelayotgan argentinalik APLda chempion bo'la olmadi, Liga Kubogi musobaqalarida ham g'alaba qozona olmayapti. Bir marta APL vice-chempioni bo'lishiga (2015/16) qaramay, "Tottenhem" muxlislari 46 yoshli mutaxassisdan xursand emas. Sababi, "shporlar" so'nggi marta chempionlikni (Angliya Liga Kubogini 2008 yilda) bundan 10 yil oldin qo'lga kiritishgan.
Jamoalar shu paytgacha 160 marotaba kuch sinashishgan. 52 o'yinda "Tottenhem", 68 uchrashuvda "CHelsi" muvaffaqiyatga erishgan. 40 bellashuvda g'olib nomi aniqlanmagan.
APL to'purarlari
Serxio Aguero ("Man Siti") 8
Eden Azar ("CHelsi") 7
Perr-Emerik Obameyang ("Arsenal") 7
Harri Keyn ("Tottenxem") 6
Sadio Mane ("Liverpul") 6
Antoni Marsial ("Man Yunayted") 6
Glenn Myurrey ("Brayton") 6
Risharlison ("Everton") 6
Moxamed Salax ("Liverpul") 6
Raxim Sterling ("Man Siti") 6
Kalum Uilson ("Bornmut") 6
Yo'qotishlar
Kiran Tripper terma jamoa yig'inida jarohat olgan va Pochettino Carrining jamoasiga qarshi uning xizmatlaridan foydalana olmaydi. Mateo Kovachichda kichik jarohat borligini hisobga olmasak, turning markaziy to'qnashuvida "aristokratlar" optimal takrkib bilan ishtirok etishadi.
Tahminiy tarkiblar
Tottenhem–Loris, Ore, Foyt, Alderveyreld, Devis, Dembele, Dayer, Alli, Eriksen, Lukas, Keyn
CHelsi– Arrisabalaga,Aspilikueta, Ryudiger, Luiz, Alonso, Jorjino, Kante, Barkli, Villian, Morata, Azar
Ushbu o'yin juda og'ir va kurashlarga boy bo'ladi, tahminiy hisob - 1:1.
Nodir Abdurasulov tayyorladi
Bosh sahifaga
178