Garchi g'alaba qozongan bo'lsak-da, Qatar bilan o'yindan keyin Odil Ahmedov chidab turolmay ichidagi gaplarni qisqa intervyusida to'kib solgandi. Ammo o'shanda uning gaplariga hech kim parvo qilmadi. O'FA bironta bayonot ham bermadi. Maydon holatini yaxshilaymiz deb hech kim gapirmadi. Umuman bizda shunaqa: gapiraversan, gapiraverasan hamma eshitadi, lekin hech kim miq etmaydi.
Biz shu ham odam, to'p tepib yuribdi, bilmasa gapirmaydi deb o'ylamaymiz. Maydon holatini yaxshilash ustida bosh qotirmaymiz. Maydon chimi nega yaxshi emas deyilsa ichkarida ventilyaciya yo'q deb qutilib qo'ya qolamiz. Boz ustiga maydon maysasini yanayam badtar holatga keltirib ustma-ust o'yin o'tkazamiz.
"Milliy" stadion uch kun ichida 6ta o'yinni qabul qiladi. 23 noyabr CAFA ayollar chempionatidan o'rin olgan ikkita bahs o'tkazildi. Kecha "Bunyodkor"ning o'zi o'ynadi va undan keyin spartakiada o'tkazildi. Bugun yana CAFA musobaqasidagi ikkita uchrashuv bo'lib o'tadi. Kuz kelib dam olishga hozirlanayotgan maydon buni ko'rib yig'lab yuborsa kerak.
Maydon holati yomon, yaxshilash kerak deymiz-u, lekin boshqa joy yo'qdek ko'p o'yinlarni shu erga boshlab kelamiz. Yaxshiyam bizda "Bunyodkor" bor. Bo'lmasa qaerga borardik?!
Bosh sahifaga
1738