Napoli 
vs 
Kevo
Anchelotti jamoasi Genuyada bo'lib o'tgan turda bazo'r g'alaba qozonishgandi. “Inter”ning mag'lubiyatidan foydalanib, neapolliklar ikkinchi pog'onaga chiqib olishgandi. “Napoli” hozirda peshqadam “Yuventus”dan 6 ochkoga ortda qolmoqda. CHempionlik uchun kurash xali tugagani yo'q, shunday ekan intriga ham hali tirik.
Anchelotti ECHLdagi o'yinlari orqali top raqiblar bilan kurasha olishi va hattoki, turinliklar bilan kuch sinasha olishi mumkinligini ko'rsatdi.
Mehmonlar esa etti turda bor yo'g'i 1 ochkoga ega bo'lgan. Hozircha “Kevo” jamoasida jiddiy o'zgarishlar yo'q. Xavfli zonadan chiqib olish mushkul bo'ladi.
Veronaliklar elitani tark etish uchun asosiy nomzodlardan biriligicha qolmoqda.
“Napoli” bugungi o'yinda favorit ekaniga shubha yo'q. Biroq, savol: u “Kevo” darvozasiga nechta gol ura olar ekan?! Kelasi hafta “Napoli” CHempionlar Ligasida ishtirok etadi, buni ham yoddan chiqarmaslik lozim.
"Kevo" “San-Paolo”da bo'lgan 7ta o'yinning 5tasida mag'lubiyatga uchragandi. 1 martta durrang va 1 marotaba g'alaba qozongan.
Empoli 
vs 
Atalanta
Bosh murabbiy o'zgarishi "Empoli"ga jiddiy tasir qildi. To'g'ri, tan olish ham kerak, raqib jamoa uncha ham kuchli emasdi (“Udineze” 2:1 ). Lekin bu toskaniyaliklar uchun 10ta turdan beri erishilgan birinchi g'alaba va mavsumdagi bor yo'g'i ikkinchi omadli o'yin edi. SHu birgina muvaffaqiyatli bahs mezbonlarni 19 o'rindan yuqori pog'onaga ko'tarilishi va elitadan chiqib ketmasligi uchun zamin yaratdi. 
“Atalanta” esa qatorasiga 4 martta g'alaba qozondi. Hattoki, so'nggi turda “Inter” jamoasini 4:1 hisobida mag'lubiyatga uchratishgan edi. Takidlash lozim, Gasperini shogirdlari milanliklarga mavsumdagi birinchi yirik mag'lubiyatni “sovg'a” qildilar. Murakkab boshlangan chempionatdan so'ng, Bergamo jamoasining o'ziga bo'lgan ishonchi ortgandi. SHundan so'ng, ular turnir jadvalida 8-o'rinni egallagan edi.
Bugungi o'yin mehmonlarga unchalik ham qiyinchilik tug'dirmasa kerak. Lekin mezbonlar nima qilib bo'lsa-da, g'alaba qozonishga harakat qilishlari aniq. So'zimiz isboti sifatida: “Yuventus” (2:1) va “Lacio” (1:0), “Milan” (1:1) bilan esa durang bilan yakunlangan o'yinlarni keltirish mumkin.
Lekin so'nggi turlarga nazar tashlasak, bergamoliklarning to'xtash niyati yo'q va ular chempionatdagi beshinchi g'alabaga yaqin turibdilar desak, mubolag'a bo'lmaydi. Aslida nima bo'larkin, vaqt ko'rsatadi.
Lacio 
vs 
Milan
Oxirgi vaqtlarda rimliklar unchalik ham ishonchli o'yin namoyish eta olishmayapti. O'tgan mavsum bilan solishtirsak, farq sezilarli darajada. Oldingi turda jamoa "Sassuolo"ni ham enga olmadi (1:1), undan avvalroq esa "burgutlar" "Inter" bilan o'yinda yirik hisobda (0:3) mag'lub bo'lishgandi.
"Milan" esa g'alabali seriyadan so'ng, "Yuve"ga yutqazib qo'ydi. Ungacha bo'lgan seriyani ham ishonchli edi deb bo'lmaydi, sababi raqiblar ichida kuchli jamoalarni qidirib topish mushkulroq vazifa edi. Jamoaning deyarli har bir chizig'ida muammo mavjud. Himoyachilarga ham savollar etarli, qo'shimchasiga o'yinga tanlanayotgan rejalarni ham tushunib bo'lmayapti. Qator jarohatlanganlardan tashqari, o'yinni qizil kartochka tufayli, jamoaning eng yaxshi to'purari Iguain o'tkazib yuboradi.
O'tgan o'yinda argentinalik hakamdan noroziligini yashirib o'tirmadi va uning "adresiga" o'zining "shirindan-shakar" so'zlarini yo'llab qo'ya qoldi.
Har ikki jamoa musobaqa jadvalining yuqori qismidalar. Milanliklar "burgutlar" bilan elkama-elka ketishmoqda. Rimda bo'lgan oxirgi 7ta o'yinning 4 tasida "Lacio" g'alaba qozongan, 2 bor durang qayd etilgan va "Milan" bor yo'g'i bir bor zafar quchgan. Rossoneri qiynalishi aniq. Qo'shimchasiga jarohatlar Gattuzo jamoasini mushkul ahvolga solib qo'ymoqda.
"Burgutlar"ning faqatgina top komandalarga qarshi o'yinlardagi (omadsiz) statistikasini "Milan" foydasiga keltirish mumkin.
SHuningdek, bugun:
Parma 
vs 
Sassuolo
Bolonya 
vs 
Fiorentina
Jenoa 
vs 
Sampdoriya
Nozima Zaripova tayyorladi
Bosh sahifaga
1840