- Raqibni chempionlik bilan tabriklayman. Yirik hisobda yutish zarur bo'lganda har bir to'p yo'qotilishi o'zini bildiradi. Ruhan jamoani tayyorlash qiyin, lekin futbolchilar oxirigacha intilishdi. Buning uchun yigitlarga rahmat aytaman. Biz "Paxtakor"miz. Hisob biz uchun ijobiy bo'lmasa-da, ular urinishda davom etishdi, - dedi SHota Arveladze.
- Mavsum oldidan o'z oldiga chempionlik va kubokni qo'lga kiritish vazifasi qo'yilgandi. Ammo ikkala musobaqada ham ikknchi bo'ldi. SHartnomangiz yil oxirida tugaydi. Uni uzaytirdingizmi?
- Menimcha yangi mavsumda ham shu erda ishlasam kerak. Hozircha yangi shartnomaga imzo chekmadim.
- Agar jamoada qolsangiz. O'zgarishlar bo'ladimi. Legionerlar qoladimi?
- Men eng yaxshi o'yinchilarni olib kelishni istayman, ammo bu ro'y beravermaydi. Hammaning o'z rejasi bor. Kimnidir kelishi ikki taraf xohishiga bog'liq. O'tgan mavsum men jamoada ko'rishni istagan mahalliy futbolchilardan barchasini ham olib kela olmadik. Qolganini vaqt o'tgan sari ko'ramiz. Biz qaerdadir xato qildik, bazan omad etishmadi. Bugun ham ko'plab imkoniyatlardan foydalana olmadik. Tarkibda o'zgarishlar hamisha bo'ladi. Faqat xohishlar to'g'ri kelsa bo'lgani.
- Siz kelgach "Paxtakor"da infrastruktura keskin o'zgardi, tashkiliy ishlar kuchaydi. Ammo natija bo'lmadi...
- Bu erga kelganimning ilk kunidan o'zbek futboli rivojlanishi uchun qo'ldan kelgan hamma ishni qilayapman. Biz kun kelib Janubiy Koreyadek o'ynashimiz kerak. Barcha tashkiliy ishlar yaxshi darajada bo'lishi kerak. Maydonlarni gapirganimda buni bahona deb o'ylaganlar bo'ldi, ammo nega imkon bor holda sharoitlarni yaxshilamaslik kerak? SHunda barcha kuchliroq o'ynaydigan bo'ladi. Men bir kun kelib ketsam yana shu yomon maydonda o'ynayverasizlarmi? Futbolni ko'proq sevish kerak. CHempionlik bahsi, beshta gol, terma jamoaning ko'plab futbolchlari maydonda muxlisga yana nima kerak?
- Hakamlik borasida qanday fikrdasiz? Ayniqsa Anzur Ismoilovga berilgan sariq kartochka va penalti haqida.
- Qizil kartochka yo'q edi. Aniq. Penaltini esa bilmayman. O'zbekistonlik hakamlar istalgan chempionatda yuqori saviyada ishlay olishadi. Ammo bazida ularga nimadir etishmaydi.
Bosh sahifaga
281