Mamlakatning amaldagi chempioni "Bavariya" o'z maydonida debyutant "Fortuna Dyusseldorf"ni qabul qildi. Uchrashuv kutilmaganda 3:3 hisobidagi durang natija bilan nihoyasiga etdi.
"Bleacher Report" nashri ayni paytga kelib Bundesligada o'zi qo'riqlayotgan darvoza tomon kelgan aniq zarbalarni qaytarishda eng yaxshi natija qayd etib turgan kiperlarni elon qildi. Unga ko'ra, "Leypcig"ning vengriyalik darvozaboni Peter Gulachi o'z darvozasi tomon yo'llangan aniq zarbalarning 77.3 foizini qaytargan va bu borada peshqadam. Ikkinchi o'rinda esa "Borussiya M"ning shveycariyalik darvozaboni Yann Zommer (75%). "Borussiya D" posboni Roman Byurki 73.9% zarbalarni qaytargan va kuchli uchlikni yakunlab bermoqda. Eng qizig'i, "Bavariya" va Germaniya terma jamoasi kiperi Manuel Noyer bu borada 18ta nemis klubi darvozabonlari orasida eng oxirgi o'rinda turibdi (43.8% qaytarilgan zarba).
Eslatib o'tamiz, 24 noyabr kuni o'tkazilgan Bundesliga 12-tur bahsida "Fortuna" futbolchisi Dodi Lukebakio Noyer darvozasini 3 bor ishg'ol qilgan edi. Belgiyalik futbolchi uchinchi golini nemis posbonining oyoqlari orasidan urgandi.
Germaniya chempionati turnir jadvali >>>>> Bundesliga
Bosh sahifaga
135