Bugun ECHL 5 turi doirasida muxlislar PSJ-"Liverpul" o'rtasidagi to'qnashuvga guvoh bo'lishadi. So'nggi marta, bu ikki klub sentyabr oyida "Enfild"da belashishgan va mersisaydliklar dramatik o'yinda g'alaba qozonishgan edi.
PSJ-"Liverpul" o'yini qachon bo'lib o'tadi?
Musobaqa: UEFA CHempionlar Ligasi, 5 tur
Uchrashuv qaerda o'tkaziladi: "Park de Prens"
Qachon: Payshanba, 29 noyabr 01:00 (Toshkent vaqti bilan)
Qaysi kanalda namoyish etiladi: Futbol TV, Match TV
O'yin prevyusi
ECHL S guruhida 4 tur ortda qolgan bir paytda barcha jamoalarda imkoniyat saqlanib turibdi. "Liverpul" va "Napoli" 6 ochko bilan guruhda peshqdamlik qilishayotgan bo'lsa, parijliklar hisobida 5 ochko bor. Serbiyaning "Crvena Zvezda" klubi ushbu "o'lim guruhi"da 4 ochko jamg'arishga erishgani taqsinga loyiq. Umuman, mazkur turdan so'ng, ko'p narsaga oydinlik kiritiladi.
Neymar, Kavani, Mbappe "trio"sining Saloh, Firmino, Mane uchligiga qarshi qanday harakat qilishi barchaning etibor markazida bo'ladi. Parijliklar Liga 1 da istagan ishlarini qilishmoqda. Lekin, ECHLda vaziyat biroz chigallashgan. Klopp jamoasi kamdan-kam hollarda himoyaga tayanadi. SHuning uchun, bugun faqat va faqat hujumkor o'yin ko'rsak ajab emas.
Tomonlarning o'zaro to'qnashuvida tenglikni ko'rishimiz mumkin. Ikkala klub ham 6 martadan g'alaba qozonishgan va 4 uchrashuvda g'olib nomi aniqlanmagan.
Yo'qotishlar
PSJ uchun asosiy yangilik - bu shubhasiz Neymar va Mbappening jarohatdan forig' bo'la olishgani. Tomas Tuhel o'yin oldi matbuot anjumanida ikkala shogirdi uchrashuvga tayyor ekani va asosiy tarkibda o'yinni boshlashlarini mamununiyat bilan tasdiqladi.
Liverpulning Parijga kelgan futbolchilaridan faqatgina Sadio Manening sog'ligida biroz xavotir bor. Biroq, senegallik vinger seshanba kungi mashg'ulotlarda o'zini yaxshi his etdi vaishtirok etdi va katta ehtimol bilan u ham Kloppning asosiy tarkibidan o'rin oladi. Adam Lallana, Dominike Solanke, Nataniel Klayn, Divok Origi singari futbolchilar jarohatlar sababli Franciyaga borishmadi.
Tahminiy tarkiblar
PSJ: Buffon, Markinos, Silva, Kimpembe, Mene, Verrati, Di Mariya, Bernat, Mbappe, Neymar, Kavani.
Liverpul: Alisson, Arnold, Lovren, Van Deyk, Robertson, Xenderson, Veynaldum, Milner, Firmino, Mane, Salox.
Tahminiy hisob - 2:2
Bosh sahifaga
207