Iroq bosh murabbiyi: "O'zbekistonga qarshi o'yin juda muhim"
/ Kiritdi: BestMaster O'qilgan: 1423
Iroq olimpiya terma jamoasi U23 Osiyo chempionatining 2-turida O'zbekistonga qarshi o'ynaydi.
Jamoa bosh murabbiyi Abdul G'ani SHahad ushbu o'yindan oldin o'z fikrlarini bildirdi.
"Biz Janubiy Koreyaga qarshi o'tadigan o'yingacha guruhdan chiqish masalasini hal qilmoqchimiz. Sababi koreyslar juda kuchli jamoa", - deydi murabbiy "Al Garafa" stadionidagi mashg'ulotlardan so'ng.
"Maqsadimiz, guruhdan chiqish. O'zbekistonga qarshi o'yin juda muhim. Raqib juda kuchli. Bu jamoa safida 2015 yilgi Osiyoning eng kuchli yosh futbolchisi Dostonbek Hamdamov o'ynaydi. SHu bois o'yin qiyin kechadi".
"Yamanga qarshi bahsda yaxshi o'ynab 3 ochko oldik. SHunga qaramay o'sha o'yinda ham xatolar bo'ldi, ularni takrorlamaslik kerak".
"Olimpiadaga chiqishni barcha jamoa istaydi. Bu katta musobaqa hisoblanadi. Bizning safimizda bir qator qobiliyatli futbolchilar bor, maqsadimizga erishamiz deb o'ylayman", - deydi Abdul G'ani SHahad.
Eslatib o'tamiz, O'zbekiston - Iroq uchrashuvi 16 yanvar kuni Toshkent vaqti bilan 21:30da boshlanadi.
Bosh sahifaga
259