Quyida "E" guruhi terma jamoalari bosh murabbiylari haqida qisqacha malumot beramiz.
"E" guruhi - Saudiya Arabistoni, Qatar, Livan, KXDR.
Xuan Antonio Picci (S.Arabistoni bosh murabbiyi)
Tug'ilgan sanasi: 7 iyun, 1968 y.
Yaqin bir yildan beri Xuan Antonio Picci saudiyaliklar bosh murabbiyi hisoblanadi. Uning qo'l ostida jamoa JCH-2018da muvaffaqiyatli ishtirok eta olmadi. Ayniqsa ruslardan uchralgan 0:5 hisobidagi mag'lubiyat juda qattiq zarba bo'ldi. Endilikda 50 yoshli murabbiy bilan Saudiya Arabistoni Osiyo Kubogida g'olib chiqishga harakat qilib ko'radi.
Feliks Sanches (Qatar bosh murabbiyi)
Tug'ilgan sanasi: 13 dekabr, 1975 y.
43 yoshli murabbiy 2006 yildan beri Qatarda ishlab kelyapti. U avvaliga Qatar U-19 yoshlar terma jamoasini boshqarib, 2014 yil o'tkazilgan U-19 musobaqasida g'olib chiqdi. SHu yil qishda o'tkazilgan U-23 Osiyo chempionatida esa bronza medallarini qo'lga kiritdi. Hozirda ispaniyalik murabbiy milliy terma jamoani boshqarmoqda.
Miodrag Radulovich (Livan bosh murabbiyi)
Tug'ilgan sanasi: 23 oktyabr, 1967 y.
Radulovichni muxlislar "Paxtakor"dagi faoliyati orqali yaxshi bilishadi. Endilikda 51 yoshli chernogoriyalik mutaxassis Livan terma jamoasini boshqarmoqda. U 2015 yil ushbu jamoani qabul qilib olgandi.
Kim Yong Jun (KXDR bosh murabbiyi)
Tug'ilgan sanasi: 19 iyul, 1983 y.
Ketma-ket uchinchi marta Osiyo Kubogida ishtirok etadigan KXDR termasining ustozi mahalliy murabbiy hisoblanadi. Yaqinda futbolchilik faoliyatini tugatgan 35 yoshli Kim Yong Jun terma jamoaga bosh murabbiy etib tayinlandi. Ushbu murabbiy qo'l ostida shimoliy koreyaliklar pley-offga chiqishga harakat qilib ko'rishadi.
Bosh sahifaga
1923