Quyida eng oxirgi guruh - "F" guruhi jamoalari murabbiylarini tanishtirib o'tamiz. Malumki, bu guruhdan O'zbekiston terma jamoasi ham o'rin olgan.
"F" guruhi - Yaponiya, O'zbekiston, Ummon, Turkmaniston.
Xajime Moriyasu (Yaponiya bosh murabbiyi)
Tug'ilgan sanasi: 23 avgust, 1968 y.
O'z vaqtida 14 yil "Sanfrechche Xirosima" klubida to'p tepgan ushbu murabbiy Yaponiyani qita chempionatiga jiddiy tayyorlashga harakat qilmoqda. U mundialdan keyin terma jamoani qabul qilib olganidan beri "samuraylar" beshta o'yinda mag'lubiyatga uchrashmadi. Yaponiya bu murabbiy bilan beshinchi bor Osiyo Kubogini yutishga bel bog'lagan.
Ektor Kuper (O'zbekiston bosh murabbiyi)
Tug'ilgan sanasi: 16 noyabr, 1955 y.
O'zbekiston milliy terma jamoasi ham xorijlik murabbiyga ega bo'ldi. JCH-2018da Misr termasini boshqargan 63 yoshli Ektor Kuper hozirda vatanimiz terma jamoasiga murabbiylik qilyapti. U bilan 3+1 ko'rinishda shartnoma imzolangan. Bungacha Kuper uch yil Misr termasini boshqargan.
Pim Verbek (Ummon bosh murabbiyi)
Tug'ilgan sanasi: 12 mart, 1956 y.
62 yoshli gollandiyalik mutaxassis Ummon terma jamoasi bosh murabbiyi sifatida ishlab kelmoqda. Uning qo'l ostida yaxshi jamoa shakllanayotganidan xabarimiz bor. Ushbu murabbiy bilan Janubiy Koreya Osiyo Kubogi-2007da uchinchi o'rinni olgandi. O'tgan yil esa Ummon bilan Ko'rfaz Kubogida zafar quchgan.
Yazguli Xojageldiev (Turkmaniston bosh murabbiyi)
Tug'ilgan sanasi: 16 fevral, 1977 y.
Turkmaniston terma jamoasi ustozi haqida ko'p malumotga ega emasmiz. Faqat shuni aytish mumkin, 41 yoshli mutaxassis "Oltin Asr" klubida ham bosh murabbiy bo'lib ishlaydi. Malumki, "Oltin Asr" shu mavsum OFK Kubogida ikkinchi o'rinni egalladi.
Bosh sahifaga
1973