Tomislav Payovich, Darko Stanoevich va Darko Nikach jamoani rasman tark etishdi. Bu haqda "Navbahor" bosh murabbiyi Andrey Kanchelskis klub matbuot xizmatiga malum qildi.
"Bu yil jamoada Serbiya va chernogoriyalik futbolchilar to'p surishdi. Mazkur o'yinchilar 27 noyabr kuni o'z buyumlarini yig'ishtirib, jamoani tark etishdi. Tarkibda kam o'yinchisi bo'lgan klub safini 2-3 nafar o'yinchi tark etsa, bu juda bilinadi.
Jamoaga faqat pul uchun keladigan xorijliklar bizga kerak emas.
Barchamiz ham pul topishni istaymiz. Lekin buning uchun shunga yarasha mehnat qilish lozim.
Ayrim futbolchilar kichik jarohat bilan ham maydonga tushib, klub shani uchun to'p surishdi. Darko Stanoevich esa jarohatim bor, deya ko'plab o'yinlarni o'tkazib yubordi.
Uch nafar legioner, yani himoyachilar – Tomislav Payovich va Darko Stanoevich hamda hujumchi Darko Nikach jamoani rasman tark etishdi", - deydi Kanchelskis.
Malumot uchun, bu mavsum Stanoevich 25ta o'yinda 2ta gol urdi, Payovich 17ta uchrashuvda 1ta to'p kiritdi, Nikach 10ta bahsda maydonga tushib 2ta gol urdi. 
Bosh sahifaga
228