"Liverpul" darvozaboni Simon Minole tanqidlar girdobida

Ammo bu gaplarga javoban u nohaq ayblanayotganligini takidlab o'tdi. "O'qqa tutilayotgan" “Liverpul” darvozaboni Simon Minolening so'zlariga ko'ra, joriy mavsumda o'tkazib yuborayotgan gollarda nafaqat uning aybi borligi, balki butun jamoaning qilayotgan xatolari ekanligini bot – bot takrorladi.  CHorshanba kuni “Arsenal”ga qarshi bo'lib o'tgan o'yinda 3:3 hisobi qayd etildi. Ushbu uchrashuvda Minole juda ishonchsiz o'yin namoyish etdi va “to'pchilar”ning dastlabki ikki goli muxlislar tomonidan aynan uning xatosi deb topildi. Minolening tartibsiz o'ynayotganiga qaramasdan “qizillar” bosh murabbiyi Yurgen Klopp Belgiya darvozaboni bilan yangi shartnoma imzolab hamkorlikni davom ettirishini malum qilgan. 27 yoshli darvozabon OAV va muxlislar tomonidan kelayotgan tanqidlarga qaramasdan o'z ustida tinmay ishlashda davom etmoqda.