Bahodir Ahmedov: "Saralash oldidan o'rtoqlik o'yini o'tkazish uchun birorta jamoa yo'q edi..."

Kechagi o'yindan so'ng yoshlarimiz bosh murabbiyi Bahodir Ahmedovdan qisqa intervyu oldik.

- Nima uchun bugun bunday sharmandali natija qayd etildi?
- Bolalar yaxshi o'ynashga harakat qilishdi, lekin juda ko'p xato qilishdi. Bundan esa Tojikiston foydalanib ketdi. Biz o'z imkoniyatlarimizdan foydalana olmadik. Raqibimiz xatolardan unumli foydalanishdi va haqli g'alabaga erishishdi.

- Nima uchun jamoa birorta terma jamoa bilan emas, joriy yilni havaskorlar chempionatida o'tkazgan "Maksam-CHirchiq" bilan o'rtoqlik o'yini o'tkazdi?
- CHunki, o'rtoqlik o'yini o'tkazish uchun boshqa terma jamoalar yo'q edi. SHu sabab, "Maksam-CHirchiq" bilan nazorat o'yini o'tkazgan holda saralashga tayyorgarlikni yakunlagan edik. Tailand, Malayziya yoki yana boshqa jamoalar o'zida tayyorlanayotgan edi. Biz mintaqamizdagilardan Qirg'iziston va Tojikiston bilan bir guruhda bo'lganimiz sabab ular bilan o'rtoqlik o'yini o'tkaza olmas edik. Turkmaniston yoshlari bilan nazorat bahsi o'tkazishimiz mumkin edi. Lekin, ular taklifimizni rad etishdi.

- Nima uchun uchrashuvning so'nggi soniyalarida ham o'ynovchi darvozabonni maydonga tashladingiz? Axir, 2:6 hisobi ham bizni qoniqtirar edi. Yoki bundan xabaringiz yo'qmidi?
- Ochig'i, kecha ham, o'yindan oldin ham mag'lub bo'lishimiz mumkinligi haqida umuman o'ylamagan edik. Faqat g'alabani ko'zlagandik. SHu sabab, hisobda ortda borayotganimizda tavakkal qilib beshinchi o'yinchini tushirdik.