2019 yilgi mavsum uchun futbol klublarini licenziyalash reglamenti tayyor

Biz Superliga va Pro-liganing har ikki guruhida ishtirok etayotgan jami 30 ta futbol klubiga licenziyalash bo'yicha reglamentni mavsum yakuniga etmasidan turiboq jo'natgan edik. Yani, ular 2019 yilgi mavsum talablari haqida avvaldanoq yaxshi bilishadi.

Endi esa futbol jamoatchiligi licenziyalash bo'yicha talablardan voqif bo'lish imkoniyatiga ega. PFL o'tkazgan musobaqalarda ishtirok etgan klublarni talablardan tezroq boxabar qilish shuning uchun kerak ediki, ularda 2019 yilgi mavsum uchun rejalar ishlab chiqish uchun etarlicha vaqt bo'lishi lozim. Endi esa reglament matnlari qayta ko'rib chiqildi, mavjud ayrim kamchiliklar to'g'rilandi. Asosiy talablar esa o'zgarishsiz qoldi.

Licenziyalash talablarini ishlab chiqishda PFL komissiyasi OFK licenziyalash talablaridan kelib chiqdi. Bunda OFK talabidan farq qilayotgan asosiy jihat futbol akademiyalari masalasidir. PFL bu talab haqida futbol klublarini bir yil davomida ogohlantirib keldi. Demak, futbol klublarida buning uchun poydevor qo'yishga fursat bo'ldi. Navbat ishning borishini nazorat qilish va talablarni bajarmagan futbol klublariga qarshi jiddiy sankciyalar qo'llashga etib keldi.

Licenziyalash reglamentini ko'chirib olish