"Futzal bo'yicha O'zbekiston yoshlar terma jamoasining kechagi muvaffaqiyatsizligi aslida sensaciya bo'lmadi. Aslida hammasi shunga qarab ketayotgan edi va saralash bosqichining birinchi turida Qirg'iziston ustidan qozonilgan g'alaba mutaxassislarni biroz chalg'itdi.
Aslida futzal bir yildan beri hech kimga kerak emas. Agar eslasangiz, "mutaxassislar" xatto yoshlar o'rtasidagi Osiyo chempionati saralashi uchun qaydnomani vaqtida topshira olmagan edi. OFK birinchi qurani O'zbekistonsiz o'tkazdi. Ushbu saralashda qatnashishni istaydigan jamoa topolmagan tashkilot O'zbekistonni turnirda ishtirok etishiga ruxsat berdi. Aynan shu narsa tufayli muammolar ko'rinib qoldi.
Muvaffaqiyatsizlik uchun ilk qadam bir yil oldin, futzal Associaciyasi tugatilganda qo'yilgan. Eslatib qo'yay, o'sha Associaciya ham tanqid qilingan. Professionalizm yo'qligi, O'FF rahbariyatida qarindoshlar yig'ilgani. Hammasi haqiqat edi. Klublar o'yinni rivojlantirish uchun rahbariyat bilan kurashishgan. Ammo bu urinishlar foyda bermagan. Natijada chempionat o'yinlari eski uslubda o'tavergan: Hamma jamoalar bir shaharda yig'ilib, dam olish kunisiz 5-6ta o'yin o'tkazishgan. Buning ustiga ilk o'yinlar tonggi soat 9da boshlangan, tribunalar esa bo'l bo'lardi. Biroq Associaciya nomiga bo'lgan tanqidlar uning yopilishiga qaratilmagan edi. Associaciya qaytadan ochish uchun 2000 yilning boshida yopilgan edi. Alohida Associaciya borligining ijobiy jihatlari: Futzalga etibor kuchliroq edi, klub, chempionat va terma jamoa etim bo'lib qolmasdi. Bir yil avval futzal Associaciyasining kadrlarini o'zgartirish etarli bo'lardi. Biroq kimdir butun futbolni o'z qo'liga olishga urinishi Associaciyaning yopilishiga olib keldi.
Hozir ko'pchilik bir narsani eslay olmasa kerak, bir yil oldin futzal bo'yicha mamlakat chempionati starti keyinroqqa qoldirilgan. O'yinchilar deyarli bir yil o'yin amaliyotisiz qolib ketishdi. Klublarda ikkita yo'l bor edi: Mashg'ulotlar uchun o'yinchilarga pul to'lash yoki ularni qo'yib yuborish. Ikkala variant ham futzal zarariga xizmat qilardi.
Keyinroq oliy ligaga biriktirilmagan jamoalarni chempionatda o'ynatmaslik qarori qabul qilindi. Bu qarorning maqsadini tushunish qiyin. Taxminlardan biri: "Ardus"ni chempionatda o'ynatmaslik xohishi. Agar bu haqiqat bo'lsa, hammasi absurd, chunki "Ardus" Mirabror Usmonov O'FF prezidenti bo'lguniga qadar mavjud edi. Yangi rahbarlar amalga oshirgan eng yaxshi ish - format o'zgargani. O'yinlar ikki davraga bo'lindi va jamoalar uyda hamda mehmonda o'ynash boshlashdi. Taqvim barqarorlashdi va murabbiylarda tahlil uchun vaqt paydo bo'ldi. Ammo muxlislar qiziqishi yo'qoldi. Oliy ligada muxlislarning o'yinlarga tashrifi bilan shug'ullangan PFL (faqat birinchi bosqichda) futzalni ommalashtirish bilan umuman shug'ullanmadi. Klublar ham futzal jamoalarini asosiy jamoadek qabul qilishga o'rgana olishmadi. Endi o'yinlar o'tayotganini hech kim sezmayapti. Na muxlislar va na OAV.
SHunday ekan, kechagi muvaffaqiyatsizlik futzalni "buzish" rejasining mahsuli bo'ldi. Agar "mutaxassislar" bularni o'ylab ko'rishmasa, yoqimsiz syurprizlar ko'proq bo'ladi" - deyiladi Nikimbaev kanalida.
Bosh sahifaga
1682