Alexandro Grimaldo Garsiya Ispaniyaning Valensiya shahrida 1995 yilning 20 sentabrida tavallud topgan. Aleks noyob iqtidori tufayli 13 yoshidan Kataloniyaning mashhur “La Masiya” akademiyasiga qabul qilingan.
Grimaldo 2011 yilning 4 sentyabrida"Kartaxena"ga qarshi "Barselona B" tarkibida debyut qilgan. O'shanda 15 yoshli Aleks Segunda tarixida eng yosh debyutantga aylangandi. Kelasi yilda esa u kataloniyaliklarning asosiy o'ynchisi bo'ldi, biroq tizzasidan jiddiy jarohat oldi.
Lekin bu Grimaldo ortga chekinishiga sabab bo'lolmadi. U sog'ayib, oyoqqa turdi va o'z o'rniga qaytdi. Uning urinishlari besamar ketmadi: 2014/15 yil Luis Enrike mavsum oldi uchrashuvlarida ishtirok etishi uchun Aleksni o'z jamoasiga chaqirdi.
Keyingi mavsumda esa Aleks "Barselona B"ning kapitani bo'ldi, ammo dunyoning eng yaxshi chap qanot himoyachilaridan biri Jordi Albaning soyasida qolib ketishi mumkinligidan cho'chib, asosiy tarkibda o'ynashiga vada berayotgan "Benfika"ning taklifiga rozi bo'ldi. Buning evaziga unga tahminan 2 million evro to'lashdi. Aleks hozir 23 yoshda va uning transfer bozoridagi narxi 25 million deb baholanmoqda.
Aleks "Benfika"da darhol o'zini ko'rsatib, “yangi Alba” ekanini isbotlay oldi. Hozirda Grimaldo "burgutlar"ning eng yaxshi o'yinchilaridan biri hisoblanadi. U "Benfika"da 2 marotaba chempion bo'lgan va Portugaliya kubogi, Liga kubogi va Portugaliya superkubogini qo'lga kiritishga ulgurdi.
Bugungi kunda Grimaldo transfer bozoridagi eng ko'p ko'zga tashlanayotgan himoyachilardan biri sanaladi. Mish-mishlarga qaraganda, ko'plab top klublar, xususan "Yuventus", "Bavariya" va "MYU" Aleksga 30-35 million evro to'lashga tayyor. Qahramonimiz esa "Barselona"ga qaytish orzusida yuribdi, ammo Jordi Alba bunga yo'l qo'ymayapti.
Aleks hozircha Ispaniya termasida debyut qilgani yo'q, biroq u U-19 bilan Evropa CHempionati-2012ni qo'lga kiritishga muvaffaq bo'ldi. U hozirda U-21 tarkibida o'ynaydi va Luis Enrike rahbarlik qilayotgan termaga chaqirishlarini sabrsizlik bilan kutmoqda. SHubhasiz, Aleks Grimaldo — eng iqtidorli himoyachilardan biridir. Yaxshi laterallarga talab kuchli bir davrda Grimaldo eng yuqori darajada o'ynashi uchun hamma tomonlama imkoniyati bor.
Nozima Zaripova tarjima qildi
Bosh sahifaga
1635