Evropa milliy chempionatlarida ushbu turning, dam olish kunlarining eng tasirli kadri Italiyada yuz berdi.
"Kevo"ning 39 yoshli sardori Serjo Pellisce "Lacio"ga qarshi o'yinning 25-daqiqasida jamoasini hisobda oldinga olib chiqdi. Ammo eng muhimi keyin sodir bo'ldi. 16 yildan ko'proq vaqtdan buyon "Kevo" sharafini himoya qilayotgan futbolchi, golini nishonlash, xursandchiligini baham ko'rish uchun o'g'li Matteo tomon oshiqdi. Bolakay shu kuni uchrashuvda to'p olib beruvchi bolalar guruhida edi.
"U mendanda baxtliroq edi. Jamoam g'alabalari, muxlislar va albatta o'g'limning ko'zidagi shu quvonch uchun hali yana uzoq vaqt futbol o'ynamoqchiman", – dedi Serjo.
"Men "Kevo"ga 23 yoshimda keldim. Bu muhabbat. Oradan 16 yil o'tgan bo'lsa ham, men har kuni keyingi uchrashuvda asosiy tarkibda maydonga tushishimga bo'lgan ishonch bilan mashg'ulotga yo'l olaman. Men o'zimni shunga tayyorlab boraman, tinmay mehnat qilaman, asosiy tarkibdagi o'rin uchun har kuni kurashaman. Klub prezidentiga doim takidlayman – menga yangi shartnoma taklif qilishning hojati yo'q, chunki mening familiyam Pellisse. Men – oddiy futbolchiman. Qolganlardan ortiq yoki kam emas".
Nozima Zaripova tayyorladi
Bosh sahifaga
288