Joriy mavsumda "Qo'qon-1912" jamoasi darvozasini ishonchli qo'riqlagan O'tkir Yusupovning qo'qonliklar bilan tuzgan shartnomasi yil oxirida tugaydi. "Mashal" tarbiyalanuvchisi hisoblangan O'tkir Yusupov oldida ayni paytda uchta variant paydo bo'lgan. Garchi shartnoma yakuniga etgan bo'lsada, "Qo'qon-1912" klubi Yusupovni jamoada olib qolmoqchi va o'rtadagi bitimni uzaytirish payida. Yusupov oldida esa bundan tashqari "Paxtakor" va "Navbahor" jamoalaridan takliflar tushgan.
Futbolchi ayni paytda kelgusi rejalari haqida bosh qotirmayapti. Ko'p narsa yil so'nggida malum bo'ladi.
Eslatib o'tamiz, O'tkir Yusupov O'zbekiston terma jamoasining Turkiya yig'iniga ketadigan ro'yxatiga kiritilgan va posbon ayni paytda Osiyo Kubogiga boradigan tarkibga kirish uchun kurashmoqda.
O'tkir Yusupov joriy mavsumda Superligadagi barcha o'yinlarda to'liq o'ynagan yagona futbolchi. Yusupov Superligada 32 o'yinda maydonga tushdi va o'z darvozasidan 28 marotaba to'p olib chiqdi. Mazkur uchrashuvlardan 9 tasida kiper o'z darvozasini quruq saqlashga erishdi.
Qayd etish kerakki, "Mashal" akademiyasi tarbiyalanuvchisi sanalgan O'tkir Yusupov bunga qadar "Nasaf", "Neftchi" hamda "Qo'qon-1912" jamoalari sharafini himoya qilgan.
Bosh sahifaga
851