O'zbekiston futboli tarixiga nazar solsak, har bir davrning o'z goleadorlari bo'lgan. Uzoq o'tmishga nazar solsak, Gennadiy Krasnickiy, Birodar Abduraimovlar to'purarlar ro'yxatida bo'lishgan. Ularning ishini keyinchalik Igor SHkvirin, Oleg SHackix, Rustam Do'rmonov, Ravshan Bozorov kabi forvardlar davom ettirishdi. Milliy chempionatimizda birinchi bo'lib 100lik marrani Oleg SHackix zabt etgan. SHackix og'ir jarohat olmaganda balki navbatdagi marralarni ham birinchi bo'lib zabt etardi. Unga 100likka kirishi uchun 6 mavsum kifoya qilgan xolos. Aniqroq aytadigan bo'lsak, 1992 yil 1-liga vakili "Politotdel"ga ijaraga berilgan Oleg, mavsumning so'nggi 2 uchrashuvida "Paxtakor"ga qaytadi va oliy ligada o'z gollari hisobini ochadi. 1993 yildan u yana elitaga chiqqan "Politotdel" safiga qaytadi. Uning goleadorligi "Navbahor"da ham davom etdi.
Ortda qolgan 27 mavsum davomida 21 futbolchi 100lik marrani zabt etdi. Ikki futbolchi Anvar Berdiev va Zafar Xolmurodov 200lik marraga ham etishga ulgurgan. Zafar bu borada birinchi bo'lgandi. Ammo keyinchalik Anvar undan o'zib ketishga erishdi. Hozirda to'purarlar ro'yxatini Anvar Berdiev boshqarib bormoqda, - deb yozadi SHirinov o'z kanalida.
O'zbekiston milliy chempionati to'purarlari (1992-2018)
# | Futbolchi | Gol |
1 | Anvar Berdiev* | 225 |
2 | Zafar Xolmurodov | 200 |
3 | SHuhrat Mirxoldirshoev | 194 |
4 | Baxtiyor Hamidullaev | 178 |
5 | Jafar Irismetov | 174 |
6 | Ravshan Bozorov | 171 |
7 | Umid Isoqov | 171 |
8 | Anvar Soliev | 164 |
9 | Oybek Usmonxo'jaev | 157 |
10 | Rustam Do'rmonov | 133 |
11 | Farid Xabibullin | 131 |
12 | Muxtor Qurbonov | 128 |
13 | No'mon Hasanov | 125 |
14 | Nosir Otaqo'ziev | 117 |
15 | Server Jeparov | 111 |
16 | SHuhrat Rahmonqulov | 108 |
17 | Nematullo Quttiboev | 106 |
18 | Oleg SHackix | 105 |
19 | Artur Gevorkyan* | 105 |
20 | Vali Keldiev | 104 |
21 | Zayniddin Tojiev | 102 |
22 | Igor Taran* | 95 |
23 | SHahboz Erkinov* | 95 |
Bosh sahifaga
209
