"Etibor bering, hozirgi terma jamoamizga azo va nomzod darvozabonlarning deyarli hammasi "Mashal"dan chiqqan: Eldorbek Suyunov, Sanjar Quvvatov, O'tkir Yusupov va Javohir Ilyosov.
Superligada joriy mavsum har taraflama eng yaxshi darvozabon bo'lgan Suyunov, bu borada eng yaxshi ketma-ketlikda yana "Mashal" nihollari Quvvatov, Yusupov va Ilyosov.
Futbolchilarni hali sanaganim yo'q. Himoyachilardan eng barqaror o'ynagan SHerzod Azamov bo'ldi. Bu ham "Mashal"dagi nihol. Superligada eng yaxshi chap qanot himoyachilaridan biri bo'lgan Farruh Sayfievni ham o'zbek futboliga "Mashal" bergan. Xorijda o'ynayotgan sanoqli vakillarimiz Fozil Musaev ham "Mashal"dan chiqqan aslida. SHomurodov va SHukurov qaysi jamoa tarbiyalanuvchisi ekanligini barcha biladi. Bunday misollarni keltiraman desa klaviaturani soatlab shaqillatsa bo'ladi. SHundoq jamoani elitadan yo'qotdik! Bu hali bizga qimmatga tushadi...
Qandaydir tizimli klub, undagi futzal, ayollar va hokazo ishlarni talab qilishdan avval kuchli va barqaror jamoani QADRlashni o'rganishimiz kerak!!
O'sha yangi kelib qolgan mutaxassislar aytayotgan talab va 1-2 kunda yaratib bo'lmaydigan sharoitlarni deb sanoqli tuzuk jamoalarimizni ham yo'q qilaversak, bilmadim.
Futbolda avvalo futbolni qadrlashni o'rganishimiz shart! Professionallik aslida shu. Kimdandir professionallikni talab qilishdan avval o'zi shunga monand va munosib bo'lishi, kamida o'rnak bo'lmog'i lozim!", - deya yozadi SHahboz Beg'amov o'zining telegramdagi kanalida.
Bosh sahifaga
307