11-13 dekabr kunlari Qatar poytaxti Doha shahrida FIFAga azo 5ta konfederaciyadan 50ta mamlakat vakillari turli masalalarni muhokama qilishadi. Mazkur mamlakatlar qatorida O'zbekiston futbol associaciyasi ham FIFA sammitiga taklif etilgani quvonarli, albatta. Doha shahri 2017 yilning fevral oyida ham FIFA sammitiga mezbonlik qilgandi. Bu Dohadagi FIFAning ikkinchi sammiti bo'ladi.
Qatardagi sammitda FIFA tomonidan tashkil etilayotgan musobaqalarga tayyorgarlik jarayoni muhokama qilinib, tashkiliy qo'mita hisobotlari tinglanadi. SHuningdek, FIFAga azo futbol associaciyalarini moliyaviy qo'llab-quvvatlash masalalari muhokama qilinadi. Bundan tashqari, VAR tizimini rivojlantirish bo'yicha ham amaliy takliflar ko'rib chiqiladi.
"FIFAga azo futbol associaciyalari vakillari bilan tez-tez uchrashib turish juda ham muhim. Mazkur uchrashuvlar davomida ularni qiynayotgan masalalar tinglanib, ularga amaliy yordam berish chora-tadbirlari ko'rib chiqiladi. FIFA sammitlari orqali butun dunyo futbolidagi global muammolarni hal etishga harakat qilamiz", - deya o'z fikrlarini bildirib o'tdi FIFA prezidenti Janni Infantino bo'lajak sammit haqida.
Umid Ahmadjonov FIFA sammitida qatnashish uchun Qatarga jo'nab ketdi
/ Kiritdi: BestMaster O'qilgan: 352
Bosh sahifaga
308