1 noyabr kuni start olgan musobaqa 7 dekabr kuni o'z nihoyasiga etdi. Aytganimizdek, turnirda viloyat chempionatida ishtirok etgan jamoalar qatnashdi. Ayrim tumanlar ikkita tarkib bilan ishtirok etdi. Jamoalar asosan yosh futbolchilarga etibor qaratishdi.
Musobaqaning final uchrashuvi Ohangaron shahrida o'tkazildi. Finalga etib kelgan «Ohangaron-S» - «Rubin» jamoalari o'rtasidagi uchrashuv ancha qiziqarli kechib, yakunda qibrayliklar amalda uchrashuv mezbonidan ustun kelishdi - 2:1.
Final bahsi yakunlangach, g'olib va sovrindorlarni taqdirlash marosimi bo'lib o'tdi. Tadbirda so'zga chiqqan Toshkent viloyati futbol associasiyasi birinchi vice-prezidenti Botir Mahmudov va Ohangaron shahar hokimi Odiljon Jo'raev ishtirokchilarning keyingi faoliyatiga omad tilab, kubok hamda medallarni o'z egalariga topshirishdi.
Qolaversa, final uchrashuvini yuqori saviyada boshqargan hakamlar Andrey Snetkov, Husniddin O'rolov va R.Mavlonovga qimmatbaho sovg'alar taqdim qilindi.
Toshkent viloyati futbol associaciyasi musobaqani tashkil qilishda va o'tkazishda yaqindan amaliy yordam bergan Ohangaron shahar hokimi Odiljon Jo'raevga minnatdorchilik bildiradi.
KONSTITUCIYA KUBOGI
Yarim final
OHANGARON-S (Ohangaron) - BO'KALIK (Bo'ka) - 3:1
RUBIN (Qibray) - TOSHKENT VILOYATI AKADEMIYASI - 3:0
FINAL
OHANGARON-S - RUBIN - 1:2
Bosh sahifaga
509