"Jamoaga qo'shilganimdan juda ham xursandman. "Seul" o'z tarixiga ega bo'lgan jamoa. Stadionni ko'rdim, menga juda ham yoqdi. "Seul" jamoasi haqida ko'p malumotlarni bilardim. O'z vaqtida bu klub tarkibida Osiyoning ikki karra eng yaxshi futbolchisi bo'lgan Server Jeparov o'ynagan.
"Seul" Janubiy Koreyada olti marta chempion bo'lgani va ikki bor Osiyo chempionlar ligasida g'olib bo'lganidan xabardorman. Bu jamoa haqidagi taassurotlarim juda ham iliq edi.
Avgustda Jakartada o'tgan Osiyo o'yinlarida Janubiy Koreyaga qarshi o'ynagandik. O'sha o'yinda biz 3:4 hisobida yutqazgandik. Raqib juda ham shakllangani ko'rinib turgandi, jismoniy, texnik va taktik tomonlama yaxshi o'ynashdi. Biz ham ularga munosib qarshilik ko'rsatgandik. Omad ular tomonida bo'lib g'alaba qozonib ketishgandi.
Umuman olganda Koreya futboli Osiyoda o'z o'rniga ega. K-liga Osiyoning eng kuchli ligalaridan biri hisoblanadi. Mana shu ligada o'ynashimdan baxtliman.
Menga maydon markazida o'ynash yoqadi. Hujumchilar ortidami yoki tayanch yarim himoyasidami farqi yo'q. Markazda o'ynasam bo'lgani.
O'yinimga keladigan bo'lsam, qisqa pas, ko'proq tiki-taka uslubida o'ynash yoqadi.
2019 yilgi mavsumda Janubiy Koreya chempionatida eng ko'p golli pas bergan futbolchilar orasida bo'lishga harakat qilaman va nasib qilsa bunga erishaman.
"Seul" klubi muxlislariga keyingi mavsum birgalikda chempionlikni nishonlashni va undan keyingi yil Osiyo chempionlar ligasida g'alaba qozonishni tilayman. Barcha muxlislarni "Seoul World Cup" stadionida kutib qolaman va ular bilan ko'rishishni orziqib kutayapman", - deydi Aliboev "Seul" klubi matbuot xizmatiga.
Bosh sahifaga
224