Bir yil oldin germaniyalik 70 yoshli mutaxassis maza qilib dam olayotgandi. Biroq unga futbolsiz hayot zerikarli ko'rindi. Natijada shu yilning yozida yana katta futbolga qaytib, Suriya terma jamoasini qabul qilib oldi. Bernd SHtange intervyu berar ekan, nima sababdan futbolga qaytgani hamda Suriya terma jamoasi bilan rejalari haqida gapirib berdi.
"Bir qarorga kelish men uchun qiyin bo'ldi. Ham o'zim, ham oilam uchun kelajakda nima qilishim lozimligini bilib olishim kerak edi. Oldimda ikkita yo'l turardi: birinchisi, uyimiz oldidan oqib o'tadigan daryoda suzib yuradigan o'rdaklarni boqish, ikkinchisi futbolga qaytib sevimli kasbim bilan shug'ullanish. Men bog'imizdagi gullarni kesib yoki bo'lmasa nabiralarimni o'ynatib yurishim ham mumkin edi, biroq futbol sevgisi ustunlik qilib oxiri katta futbolga qaytdim. Men Suriya terma jamoasidan tushgan taklif haqida ko'p o'yladim va yakunda bir qarorga keldim".
"1998-2001 yillar oralig'ida Avstraliyada ishlaganman. Avstraliyada futbol uchun hamma narsa bor: stadion, mashg'ulot maydonlari, baza, transport. U erda futbol professional darajaga ko'tarilgan. Suriyada aytarli hech nima yo'q, lekin bu erda g'alabaga chanqoq futbolchilar bor. Ular yutish uchun borlarini berishga tayyor".
"O'tgan yil Suriyaning Avstraliyaga qarshi ikkita o'yini ham ko'rdim. Menga Suriya birmuncha kuchlidek ko'ringandi, lekin omad Avstraliya tomonida bo'ldi. Ushbu o'yinlarni ko'rgach suriyalik futbolchilar bilan ishlash fikri tug'ildi. Axir ular juda mehnatkash. Biz navbatdagi Osiyo Kubogida yana Avstraliya bilan o'ynaymiz. Lekin etiborni faqat shu bahsga qaratmaymiz. CHunki Iordaniya bilan Falastin ham jiddiy raqib".
"Endilikda Suriyada ham futbolga nisbatan munosabat o'zgaryapti. Omar Al Soma, Omar Xrbin kabi futbolchilar aksar yoshlar uchun o'rnak hisoblanadi. Milliy chempionat bahslari yo'lga qo'yildi. Latakia, Aleppo, Xoms - xullas qaerga bormang, stadion to'la muxlislarni ko'rasiz. Futbol Suriyada tirik. Mana ko'rasiz, biz Osiyo Kubogida ham o'zimizni ko'rsata olamiz. Safimizda yoshlar bilan bir qatorda etakchilar ham bor".
"Futbolchilarimiz maydon holati yaxshimasligi, ovqatlanish kuchli emasligi haqida o'ylayotganlari yo'q. Ular faqat bir narsani xohlashyapti: Osiyoda o'zlarini ko'rsatishni. SHogirdlarim yosh bola emas, ular haqiqiy erkak. Men bu jamoa bilan Osiyo Kubogida g'olib chiqishni istayman", - deydi germaniyalik murabbiy.
Bosh sahifaga
199
