Tasdiqlanmagan, ammo bizga etib kelgan malumotlarga ko'ra, "Lokomotiv" jamoasi asosiy tarkibining katta qismi "temiryulchilar"ni tark etishi mumkin.
Oldinroq Ikrom Aliboev Janubiy Koreyaning "Seul" klubiga transfer bulgandi. Eshitishimizga qaraganda, ushbu transferdan amaldagi chempionimiz taxminan 800 ming AQSH dollari atrofida foyda ko'rgan.
SHuningdek, Sanjar SHoahmedov, Sardor Rashidov, Sardor Mirzaev, Oleg Zoteev, Marat Bikmaev kabi futbolchilar ham katta ehtimol bilan legioner maqomida faoliyatlarini davom ettirishlari mumkin. Ularga ham xorij klublaridan qator takliflar tushgan.
Jamoaning o'ng kanot himoyachisi SHuhrat Muhammadievga "Paxtakor" tomonidan qiziqish juda jiddiy. Yuqorida ismi tilga olingan futbolchilar aksariyati jamoada qolishi ham mumkin. Ammo hozircha ularning keyingi faoliyati qaerda davom ettirilishi nomalum.
Avval xabar berganimizdek, AGMK safida yaxshi mavsumni o'tkazgan legioner yarim himoyachi Yovan Jokich "Lokomotiv" bilan shartnoma imzolaydi. Faqat bu o'tish rasman transferlar oynasi ochilganida ro'yxatdan o'tkaziladi.
SHuningdek, "Bunyodkor" hujumchisi Filipp Rayevac "Lokomotiv"ga o'tishi mumkin.
Eslatib o'tamiz, O'zbekistonda transfer oynasi 17 dekabr kuni rasman ochiladi. Bu haqda avvalroq xabar bergandik.
Bosh sahifaga
1714