O'z vaqtida “Andijon” jamoasi safida yorqin o'yinlari bilan muxlislar nazariga tushgan Baxtiyor Yuldashev bugun oramizda yo'q. 2008 yili og'ir xastalikka duchor bo'lib, olamdan o'tgan Baxtiyor Yuldashevning xotirasiga bag'ishlab, turnir o'tkazildi. Andijon shahridagi “Sportning o'yin turlari va engil atletikaga ixtisoslashtirilgan bolalar-o'smirlar sport maktabi”da bolalar murabbiyi Bahodir Ro'zimatov tashabbusi bilan ushbu xotira turniri tashkil etildi. Baxtiyor Yuldashevning farzandi Jasur esa uni qo'llab-quvvatlab, 2006-2007 yillarda tavallud topgan futbolchilar o'rtasida musobaqaning yuqori suratda o'tishiga o'z xissasini qo'shdi. Vodiy jamoalari o'rtasida kechgan qiziqarli musobaqada jami 12ta jamoa ishtirok etdi.
“Andijon IBO'SM”, “Namangan-Barkamol”, “Navbahor-Umid”, “To'raqo'rg'on”, “Uchqo'rg'on”, “Uchko'prik”, “Iftixor” (Andijon), “Andijon-Burgutlari”, “Umid-Namangan”, “Quvasoy”, “Farg'ona BO'SM” hamda “SHahrixon-BO'SM” qura tashlash orqali ikki guruhga bo'lindi va g'oliblik uchun kurash olib bordi.
“Farg'ona-BO'SM” jamoasi bronza medallari uchun Namangan viloyatining “To'raqo'rg'on” jamoasiga qarshi bahs olib bordi. Mazkur uchrashuvda Ahror Siddiqov boshqaruvidagi “Farg'ona BO'SM” jamoasi 2:1 hisobida g'alaba qozondi.
Finalda esa mezbonlar – “Andijon IBO'SM” Namanganning “Namangan-Barkamol” jamoasi bilan ro'baro' keldi.
Qiziqarli murosasiz tarzda kechgan bahsning asosiy bo'limlarida 7:7 hisobi qayd etilgach, g'olib penaltilar seriyasi orqali aniqlandi va unda andijonlik futbolchilar bitta to'p farqi bilan chempionlikni qo'lga kiritdi.
Musobaqaning taqdirlash marosimi ham yuqori saviyada tashkil etilib, turnir sovrindorlari medal va diplom bilan taqdirlandi. Qolgan jamoalarning barchasiga esa tashakkurnoma taqdim etildi. SHuningdek musobaqada ishtirok etgan yosh futbolchilar turli nominaciyalar bo'yicha ham aniqlanib, ularga musobaqa tashkilotchilari tomonidan estalik sovg'alar ulashildi.
Nominaciyalar bo'yicha quyidagilar “Eng yaxshi” deya etirof etildi.
“Eng yaxshi darvozabon” – Muhammadaziz Rahimov (“Andijon IBO'SM”),
“Eng yaxshi himoyachi” – Davron Abdullaev (“Farg'ona BO'SM”),
“Eng yaxshi yarim himoyachi” – Oyatullo Tursunov (“Farg'ona BO'SM”),
“Eng yaxshi hujumchi” – Abdulaziz Abdusalimov (“Namangan-Barkamol”),
“Eng yosh futbolchi” – Olimjon Raimjonov (“Andijon IBO'SM”),
“Eng yaxshi murabbiy” – SHodmon Mamatov (“Namangan Barkamol”).
CHapdan - Bahodir Rahmonov, Baxtiyor Yuldashev, Vladimir Zoteev,Evgeniy Kornyuxin, Boris Bakanov.
CHapdan - Rinat Idrisov, Qahramon Abduqodirov, Baxtiyor Yuldashev, Andrey Rezancov, Oleg Malaxov
Bosh sahifaga
458