AGMK bilan O'zbekiston kubogini qo'lga kiritgan va Superligada pley-off o'yinlari orqali jon saqlab qolgan jamoa bosh murabbiyi Baxtiyor Ashurmatovning klub bilan tuzgan shartnomasi nihoyasiga etish arafasida.
Yil oxirigacha tuzilgan bitimni tomonlar uzaytirishmagan. Baxtiyor Ashurmatov saytimiz xodimi SHahboz Beg'amovga bu malumotni tasdiqladi va jamoadan ketish ehtimolini inkor etmadi.
Demak voqealar rivoji AGMKda yangi murabbiy ish boshlashiga qarab ketmoqda.
O'zbekiston Kubogi sohibi sifatida kelasi yildan OCHL pley-off o'yinlari orqali qitaning nufuzli musobaqasida ishtirok etadigan AGMK jamoaga katta tajribaga ega, yuqori malakali mutaxassisni olib kelish taraddudini ko'rmoqda. Ayni paytda AGMK OCHLda ishtirok etish tajribasiga ega va ushbu musobaqani ob-havosini juda yaxshi biladigan Mirjalol Qosimov bilan ham muzokaralarga kirishgani haqida norasmiy malumotlar bor. Olmaliqliklar rahbariyati jamoani Mirjalol Qosimovga topshirishmoqchi. Biroq muzokaralar qanday yakun topishi hozircha nomalum.
Tasdiqlanmagan malumotlarga ko'ra, "Navbahor"ning sobiq ustozi Ilhom Mo'minjonov o'z xizmatini AGMKga taklif etgan. SHuningdek, yana bir qator mutaxassislar AGMKni boshqarish istagida jamoaga o'zlarini taklif etishgan. Lekin klub rahbariyati jamoa bosh murabbiyi sifatida Mirjalol Qosimov nomzodini ilgari surmoqda va mutaxassisni Olmaliqda ishlashga ko'ndirmoqchi.
Eslatib o'tamiz, AGMK 12 fevral kuni OCHL doirasida o'z maydonida Tojikiston chempioni "Istiqlol"ga qarshi o'ynaydi.
OCHL pley-off bosqichi
12 fevral
AGMK (O'zbekiston) - "Istiqlol" (Tojikiston)
19 fevral
"Al Nassr" (Saudiya Arabistoni) - AGMK (O'zbekiston) - "Istiqlol" (Tojikiston) to'qnashuvi g'olibi
Bosh sahifaga
239
