Terma jamoa bosh murabbiyi Aleksandr Krestinin OFK rasmiy saytiga bergan intervyusida shogirdlari musobaqaga tayyor ekanini aytib o'tdi. Malumki, ushbu mutaxassis Qirg'izistonda yil yakunlariga ko'ra "Yilning eng yaxshi murabbiyi" deb topildi.
Qirg'iziston terma jamoasi guruh o'yinlarini Xitoy, Janubiy Koreya va Filippinga qarshi o'tkazadi. Dastlabki uchrashuv 7 yanvar kuni Xitoyga qarshi kechadi.
"Biz Marchello Lippi boshchiligidagi jamoaga qarshi maydonga tushishdan mamnunmiz, - deydi qirg'izlar bosh murabbiyi. - Men Lippini juda hurmat qilaman, u kishi buyuk mutaxassis, jahon chempioni. SHuningdek, Xitoyni futbol mamlakati degan bo'lardim. Oxirgi yillarda Xitoyda futbol ancha o'sdi. Mashhur futbolchilar u erga borib to'p tepishyapti. Bundan esa mahalliy o'yinchilar foyda olishyapti".
"Bizning futbolchilar ham o'z klublarida etakchi hisoblanadi. Lekin xalqaro tajriba borasida biroz orqadamiz. Albatta, har bir murabbiy faqat yaxshisidan umid qiladi. SHu jumladan men ham. Musobaqa boshlanmasidan oldin hammada imkoniyat bor, lekin barchasini o'yinlar ko'rsatib beradi. Bunday katta turnirlarda tez-tez sensaciyalar ham bo'lib turadi".
Rossiyalik murabbiy o'z intervyusida guruhdan chiqish imkoniyatlari haqida to'xtaldi: "Oxirgi to'rtta o'rtoqlik o'yinida shuni sezdimki, biz to'g'ri yo'ldan ketyapmiz. Faqat safarda yaxshi o'ynay olmayapmiz. SHuni to'g'rilash ustida ishlashimiz kerak. Biz joy olgan guruhda ikkita favorit bor: Janubiy Koreya va Xitoy. Lekin aytib o'tganimdek, futbolda hamma narsa bo'lishi mumkin".
"O'ylaymanki, Osiyo Kubogiga chiqishning o'ziyoq qirg'iz xalqi uchun katta bayram bo'ldi. Agar ishtirokchilar soni 24taga oshirilmaganida chiqa olmasligimiz ham mumkin edi. Men jamoam Osiyo Kubogiga tayyor deb ayta olaman".
Bosh sahifaga
183