"Surxon" super o'zgarishlar arafasida, Botir Mirzaev yangi bosh direktor!

Afsuski bu yil jamoa kuchlilar qatoriga qo'shila olmadi. PRO-Ligada 4-o'rinni qo'lga kiritgan klubda 2019 yilda tub o'zgarish bo'ladi. Klub homiylari "Surxon"ni kuchlilar qatoriga qaytarish uchun jiddiy bel bog'ladilar va endi u erda o'z kasbining mutaxassislari faoliyat olib boradilar. Bu nafaqat murabbiy, balki klub strukturasida ham amalga oshiriladigan asosiy ish. So'nggi ikki yilda aynan shu omil klubning muvaffaqiyatiga salbiy tasir o'tkazdi.

Bizga malum qilishlaricha, 9 yil davomida "Olmaliq" jamoasida faoliyat olib borgan Botir Mirzaev klub bosh direktori sifatida ish boshladi. "Olmaliq" jamoasi uning rahbarligida oliy ligada yomon natijalar qayd etmagan. 2009 yil mavsumni 4-o'rinda tugatgan klub, 2013-15 yillar oralig'i kuchli oltilikdan pasga tushmagan.

"Bizga nafaqat jamoani, balki klubni rivojlantirish vazifasi qo'yildi. "Surxon" jamoasining barcha chiziqlarini yaxshi saviyadagi futbolchilar bilan kuchaytiramiz. Strukturada ham katta o'zgarishlar bo'ladi va uzoq yillar davomida futbolda ishlagan mutaxassislar, klubning futbol maktabi, marketing, matbuot xizmatlariga jalb etiladi. Licenziyalash bo'limiga ham eng malakali mutaxassislarni jalb qilamiz", - deydi Botir Mirzaev.