Ayni paytda O'zbekiston terma jamoasida darvozabonlar murabbiyi sifatida faoliyat ko'rsatayotgan mutaxassis 6 yildan buyon "Nasaf"da darvozabonlarni shug'ullantirib kelmoqda. Ro'ziqul Berdiev jamoa ruliga o'tirganidan buyon shtabdan o'rin olgan mutaxassis kelasi mavsumni ham "Nasaf"da o'tkazishi hal etilmagan. Malum bo'lishicha, tomonlarning o'zaro kelishuvi yakunlangan va shartnoma uzaytirilmagan.
Ivankov "Nasaf"dagi faoliyati davomida turli yoshdagi terma jamoalar va MTJ darajasidagi Eldorbek Suyunov, O'tkir Yusupov va Umidjon Ergashev kabi iqtidorli posbonlarni tarbiyalashga muvaffaq bo'ldi. SHuningdek, Ivankov "Nasaf"dan avval ishlagan "Mashal"dagi faoliyati davomida ham ajoyib posbonlarni chiqarishda jonbozlik ko'rsatgan. Ulardan biri Sanjar Quvvatov. O'tgan mavsumlar davomida ustoz va shogird Qarshida ham birga ishlashga muvaffaq bo'ldi. Ayni paytda Ivankovning barcha shogirdlari terma jamoalarga nomzod darvozabonlar hisoblanadi.
Denis Ivankov kelasi yilda Ektor Kuper boshchiligidagi O'zbekiston terma jamoasi bilan BAAda o'tadigan qita chempionatida ishtirok etadi. Katta ehtimol aynan Osiyo Kubogidan keyingina klubdagi faoliyati bo'yicha yakuniy to'xtamga keladi.
Bosh sahifaga
2153