Bu haqda klub matbuot xizmati xabar qildi.
"Nasaf" klubi qarorgohida tamirlash ishlari olib borilayotgani va jamoaning aksariyat futbolchilari milliya hamda olimpiya terma jamoalariga jalb etilgani bois dastlabki yig'in yanvarga qoldirildi.
Ayni paytda jamoani rasman bir nafar futbolchi tark etgan. Bu "Nasaf"ning ko'p yillik fidoiy futbolchisi Maqsud Karimov. O'tgan mavsum so'nggida futbolchilik faoliyatini yakunlaganini elon qilgan himoyachidan boshqa hech kim klubni rasman tark etgani yo'q.
Kuni kecha jamoa himoyachi Umar Eshmurodov bilan o'rtadagi bitimni uzaytirishga muvaffaq bo'lgan. Bu haqda klub matbuot xizmati xabar qilgandi.
Jamoaning kelgusi rejalari va maqsadlarini rahbariyat tomonidan yangi yilda hal etiladi. Hozircha murabbiylar shtabidagi mutaxassislar, xususan jamoa ustozi Ro'ziqul Berdievning klub bilan tuzgan shartnomalari tugagan.
Katta ehtimol bilan o'rtadagi bitim yangi yilda yana uzaytiriladi. Ro'ziqul Berdiev "Nasaf"da qolishga qarshi emas. Ko'p narsa jamoaning kelasi mavsumdagi maqsad va vazifalariga bog'liq. Klub bir necha nafar iqtidorli va etakchi futbolchilariga kelayotgan takliflarni ko'rib chiqadimi yoki futbolchilari jamoada saqlab qoladimi, bu ham yangi yilda hal etilishi kutilmoqda.
Eslatib o'tamiz, "Nasaf" jamoasi 3 yanvardan etiboran klubning Qarshidagi qarorgohida yig'ilishadi va tayyorgarlikni boshlashadi. Fevral oyida esa jamoa Turkiyada o'quv-yig'in mashg'ulotlarini o'tkazishi rejalashtirilgan.
Bosh sahifaga
199
