Lekin hozir ko'rib turganlarim haqida qisqacha yozmasam bo'lmaydi. Eski davrni ham ko'rdim. Murabbiylarda "solidarnost" bo'lardi. Yuriy Sarkisyan "Neftchi"da ishlab turganida Bahrom Hakimov Farg'ona hokimini oldiga borib meni Vazgenovichni o'rniga qo'ying demagan. Viktor Jalilov ishlayotgan payti Ravshan Muqimov "Navbahor"ga o'zini tavsiya qilmagan. Yoki To'ra SHoymardonov "Lokomotiv"ni boshqarayotganda Usmon Toshev "temiryo'llar"ga borib boshliqqa "meni "Lokomotiv"ga bosh murabbiy qiling, xizmatingizga tayyorman", deb qo'lini ko'ksiga qilib turmagan, g'urur bo'lgan barcha murabbiylarda! To'g'ri, guruch kurmaksiz bo'lmagan.
Aynan shular davrida biz rosmana futbol ko'rdik! Hozirchi, hozir ko'p eshitayapman. Hamkasbining o'rniga akaxonlarni ishga solib joyga ega chiqishga bo'layotgan harakatlarni. Hamkasbining inqirozini kutayotgan bazi murabbiychalar chiqib qoldi. Ertaga ko'zga qanday qarash haqida o'ylayapsizmi?
Demak Sizni faqat pul qiziqtirayotgan ekanda, nima bo'lsa ham murabbiy bo'lsam deysiz? Futbolda boshqa lavozimlar ham bor. Skaut bo'ling, bolalar maktabida boshqaruvchi bo'ling, texnik direktor lavozimi bor.
Abramovdan o'rganing, qilich kelsa ham boshini egmaydi. O'sha yomon Babayan ham birovga ish so'rab bormagan, vaholangki "Paxtakor"da ishlagan payti ancha baqquvat jamoalar bo'lgan. Inileevdagi kamtarlik qolmayapti. Jalilov ham birovning mushugini "pisht" demagan. Mirsodiqov hech qachon hamkasbining oyog'iga bolta urmagan. Haydarov faqat chaqirsalargina borgan. Qosimovda ko'rdik, qiyin pallada ham ketmagani. Undan avval 2 yil sabrli bo'ldi. Hozirgi aksar yosh murabbiylar esa...
Bunday gap so'zlar ko'payib ketdi. Ertaga bu murabbiy futbolchiga halollikni o'rgata oladimi, futbolchi biladiku hammasini. Ichida "o'zingni to'g'irlab ol avval", demaydimi?
Ana shunaqa.
Bosh sahifaga
244
