Karlush Keyrush keskin tanqidga uchradi

Keyrush o'z intervyusida Osiyo Kubogidagi maqsad haqida gapirib, bunda portugaliyalik murabbiy kuchli to'rtlikdan joy olsak, biz uchun katta voqea degandi.

Keyrushning aytishicha, Avstraliya, Yaponiya va Janubiy Koreya yarim finalga yo'l oladi. Uchinchi jamoa bo'lish esa Eron, Qatar, BAA, Saudiya Arabistoni, O'zbekiston va Xitoydan biriga nasib etadi.

Uning bu gapi bir paytlar Eron terma jamoasida o'zini ko'rsatgan Xodadad Aziziga yoqmadi va portugaliyalik mutaxassisni keskin tanqid qildi:

"Janob Keyrush, bizlar ahmoq odamlar emasmiz. Osiyo Kubogida kuchli to'rtlikka kirish bu sizning maqsadingiz, bizning emas. 1996 yilgi Osiyo Kubogida biz hech qanday o'rtoqlik uchrashuvi o'tkazmasdan uchinchi o'rinni olgandik. O'shanda Eron musobaqaning eng yaxshi jamoasi bo'lish bilan birga Feyr pley sovrini ham olgan. Ali Dayi esa eng yaxshi to'purar bo'lgandi".

"Lekin siz hozir kuchli to'rtlik haqida gapiryapsiz. Siz 8 yildirki shu jamoani boshqaryapsiz va dunyoning eng ko'p maosh oladigan murabbiylaridan biri hisoblanasiz. Bizga Osiyo Kubogiga borib chempion bo'lib qaytadigan murabbiy kerak".

Eslatib o'tamiz, 47 yoshli Xodadad Azizi 1996 yilgi Osiyo Kubogida terma jamoa hujumchisi bo'lgan. Keyinchalik aynan uning Avstraliyaga urgan goli tufayli Eron Franciyada o'tkazilgan jahon chempionati yo'llanmasini qo'lga kiritgandi.