Bu safargi Osiyo Kubogida O'zbekistondan 30 nafarga yaqin OAV vakillari ishtirok etadi

www.championat.asia bu musobaqaga o'zgacha tayyorgarlik ko'rayapti. Xayrulla Xoliqov boshchiligida saytning 10 nafar xodimi BAAdagi musobaqada faoliyat olib boradilar. SHuningdek, O'FA tomonidan yana 15 nafarga yaqin OAV vakillari terma jamoamiz ishtirokidagi o'yinlarni yoritish uchun BAAga olib ketilayapti.

OAVni ommaviy tarzda Osiyo Kuboklarida faoliyat olib borishi Qatardagi musobaqadan boshlangan edi. O'shanda 9 nafar jurnalist Qatar yashil maydonlarida ishlagan edilar. Avstraliyada 7 nafarni tashkil etgan. 2007 yil esa ikki nafar jurnalist SHarqiy Osiyoga tashrif buyurgan edi.

Saytimizning katta delegaciyasi Osiyo Kubogi davomida Sizlarga O'zbekiston milliy terma jamoasi ishtirokidagi o'yin oldi, o'yin va o'yindan keyingi voqealarini tezkorlik bilan berib boradilar. Intervyular, tahlillar, fotomaqolalar va video lavhalar albatta Sizlarga qiziq bo'ladi deb umid qilamiz. SHuningdek, raqibimiz bazasida kechayotgan muhim voqealarni ham aynan biz orqali bilib olishingiz mumkin bo'ladi. Qolaversa, qo'shnilarimiz ishtirokidagi o'yinlar ham saytimizda keng yoritib boriladi.