Asilbek Amonov: “Hech bo'lmasa Yamanni yutishimiz shart”

– Asilbek siz bunday yirik turnirlarda oldin ham qatnashgansiz. Qatardagi taassurotlaringiz qanday ?
– Men qatnashgan musobaqalar bilan solishtirganda Qatardagi chempionatda tashkilotchilik, futbolchilarga yaratilgan sharoitlar alo darajada desam mubolag'a bo'lmaydi. Men bunday sharoitlarni, bunday muhitni hech qaerda ko'rmaganman. Stadionlar, kiyinish xonalari, maydonni sifati hammasi alo bahoga loyiq.

– Ikkita o'yinda jamoamizga nima etishmadi deb o'ylaysiz ?
– Koreyaga qarshi birinchi o'yinimizda xakamning g'alati qarorlari bolalarni ruhiyatini izdan chiqardi. Qachonki 10 kishi bo'lib qolganimizdan keyin yigitlar o'zlariga kelishdi. Qolaversa, koreyslar bizni rosa yaxshi o'rganishgan ekan. Iroq bilan o'yinda esa biz o'zimizning xatolarimiz evaziga o'yinni boy berdik. To'g'risi musobaqani buncha erta tugatishimizni men umuman xayolimga ham keltirmagan edim. Endi hech bo'lmasa Yamanni yutishimiz shart.

– Sizni nimaga maydonda ko'rmayapmiz?
– Bu savolni yaxshisi murabbiylarimizdan so'rsangiz bo'lardi. CHunki kimni maydonga tushirish murabbiyni ishi. Lekin men doim tayyor bo'lib turibman. Musobaqaga kelgan barcha 23 futbolchi o'yinga tayyor turishibdi.

- Bu yil “Qo'qon-1912” jamoasiga kelgan yangi murabbiydan nimalar kutyapsiz?
– Murod aka juda yaxshi inson, o'z ishining ustasi. O'ylamanki, biz Murod Ismoilov boshchiligida muxlislarimizni xursand qilamiz. O'zim xam bu yil jamoamizning asosiy tarkibiga kirishga harakat qilaman. Lekin bu oson ish emas, sababi bizda juda tajribali darvozabonlar bor. Qo'qonda o'rinbosarlar jamoasining o'yinlari xam qiziqarli bo'ladi. CHunki o'rinbosarlar o'yiniga xam juda ko'p muxlislar kelishadi. Biz esa ularni stadiondan xursand holda qaytishlariga xarakat qilamiz.

Akramjon Mamadaliev suxbatlashdi.