Filippin terma jamoasining eng asosiy yulduzi hisoblangan darvozabon Nil Eterij musobaqa uchun yakuniy 23talik ro'yxatga kiritilmadi. Avvalroq, saytimiz orqali uning faqatgina birinchi turda o'ynashi va keyin Britaniyaga qaytib ketishi haqidagi xabarni chop etgan edik. Buni shaxsan Filippin futbol Federaciyasi prezidenti Mariano Aranetaning o'zi takidlab o'tgandi. Ammo, yakunda "Kardiff" darvozaboni qita birinchiligiga bormaydigan bo'ldi.
"Kardiff" 2019 yilning 1 yanvar kuni "Tottenxem", 5 yanvar — Kubok bahsida "Gillingem", 12 yanvar — "Xaddersfild" va 19 yanvar kuni "Nyukasl"ga qarshi o'yin o'tkazadi.
Malumot uchun, ayni paytga kelib Nil Eterij APLda joriy mavsumda eng ko'p seyv amalga oshirgan uchinchi darvozabon bo'lib turibdi (71ta seyv). Undan oldinda faqat Jo Xart (77ta seyv) va Lukash Fabianski (73ta seyv).
Filippin terma jamoasi tarkibida Osiyo kubogi-2019da ishtirok etadigan darvozabonlar:
1. Natanael Vilyanueva, 25.10.1995
15. Maykl Falkesgaard, 09.04.1991
16. Kevin Ray Xansen, 29.09.1994
Eslatib o'tamiz, Filippin BAAda o'tadigan Osiyo Kubogi "C" guruhida Janubiy Koreya, Xitoy va Qirg'iziston bilan kuch sinashadi.
Bosh sahifaga
1360