SHu munosabat bilan klub rahbariyati 28 dekabr kuni bayram tadbirini tashkil etdi. Mazkur tadbir shahardagi hashamatli “Andijon” tantanalar saroyida o'tkazildi.
Unda “Andijon” jamoasi murabbiylar shtabi, futbolchilar, ishchi xodimlar, “Andijanka” ayollar jamoasi futbolchi qizlari, viloyat hokimligi vakillari, viloyat jismoniy tarbiya va sport qo'mitasi, viloyat futbol federaciyasi rahbariyati ishtirok etdi.
SHuningdek Andijon viloyatida sportni xususan futbolni rivojlantirish yo'lida xizmat qilayotgan kishilarning ayrimlari ham etibordan chetda qolmadi. “Andijon” ishqibozlar klubi faollari va faxriy muxlislar ham tadbirga mehmon sifatida taklif etildi.
Bayramona ruhda o'tgan kechada mahalliy sanatkorlar o'zlarining diltortar qo'shiqlari bilan kechaga zavq ulashgan bo'lsa, raqqosa qizlar o'zlarining o'yinlari bilan “og'alar” kulgu guruhi esa askiyalari bilan mehmonlarga yuqori kayfiyat ulashdi.
“Andijon” futbol klubi rahbariyatining talqiniga ko'ra, har bir chiziq bo'yicha jamoa safida xarakat qilgan yilning eng yaxshilari elon qilinib, ularning video roliklari katta ekranda namoyish etildi.
Bundan tashqari yil davomida “Andijon” jamoasini ommaviy axborot vositasida keng tarzda yoritib borgan bir qator jurnalistlar klub vice-prezidenti Marufjon Abdisalomov tomonidan tashakkurnoma va estalik sovg'alar bilan taqdirlandi.
SHu tariqa tadbir ko'tarinki ruhda yakun topdi.
Bosh sahifaga
292