Ushbu musobaqada hakamlarga ham alohida etibor qaratiladi. Ayniqsa chorak finaldan boshlab Video Assistant Referee (VAR) tizimi ishga tushadi, bu esa o'yinlarga bo'lgan qiziqishni yanada oshiradi. BAAning Abu Dabi shahrida turnir oldidan hakamlar ishtirokida media brifing tashkil etildi.
"Zayed Sports City" o'yingohida bo'lib o'tgan matbuot anjumanida OFK Hakamlar direktori SHamsul Maydin, Osiyo Kubogi-2019 musobaqa direktori SHin Man Gil hamda hakamlardan Ravshan Ermatov bilan Alirizo Fag'oni ishtirok etishdi. Bunda asosan hakamlar borasida malumot berilib, chorak finaldan yo'lga qo'yiladigan VAR tizimiga alohida to'xtab o'tildi.
Hakamlar zalda yig'inlarga VARning xususiyatlari, uning foydasi hamda hakamlar VAR bilan ishlashga qanday tayyorgarlik ko'rishgani haqida malumot berishdi. OFK Hakamlar direktori SHamsul Maydin bu borada shunday dedi: "Biz Osiyoga VAR tizimi kirib kelganidan mamnunmiz. Jahon chempionatida ko'rdikki, VAR juda foydali texnologiya bo'ldi va ortiqcha savollarga o'rin qoldirmadi. Qitamizda hakamlik darajasi yuqori saviyada. Hakamlar har bir o'yinni yaxshi boshqarishga harakat qilishadi. O'ylaymanki, bazi qarorlarni qabul qilishda VARga hojat qolmaydi. VAR faqatgina o'ta bahsli vaziyatlardagina ishlatiladi".
Yaqinda o'tmishning taniqli hakamlaridan biri bo'lgan SHamsul Maydin VAR haqida yana quyidagilarni malum qildi:
"Biz VARdan asosan to'rtta vaziyatda foydalanamiz. Birinchisi - to'p darvoza chizig'ini kesib o'tgan-o'tmagani, ikkinchisi - penalti belgilash bilan bog'liq holat, uchinchisi - to'g'ridan-to'g'ri qizil kartochka va to'rtinchisi - xato qarorlar. Musobaqaning chorak finalidan boshlab VAR ishga tushganidan so'ng jami 19 nafar kishi shunga masul bo'ladi. Ular imtihondan o'tishgan va yaxshi tayyorgarlikka ega".
Bosh sahifaga
184