948 daqiqa, asosiy tarkibda 10ta o'yin, 8 marotaba zaxiradan maydonga tushish va 2ta gol. Mavsumning birinchi yarmi Patrik SHik uchun u qadar omadli bo'lmadi. Hujumchi muntazam o'yin amaliyotiga ega bo'lish uchun "Roma"dan ketmoqchi edi. Lekin rahbariyat bunga rozilik bildirmadi.
SHik esa ularning qarorini kutib o'tirmay, harakatni boshlab yubordi va mental murabbiy yolladi. Patrik faoliyatini "qutqarish" esa uning mashhur hamyurti Yan Mulfeyt zimmasiga yuklatildi.
Mulfeyt 22 yil davomida "Microsoft"da faoliyat olib bordi. 1993 yilda uning CHexiyadagi filialiga bo'lim boshlig'i etib tayinlandi. Keyinchalik "CEO"ga ko'tarildi. 2002 yilda esa EMEA (Evropa, Yaqin SHarq va Afrikaga javobgar tashkilot) vice-prezidenti bo'ladi. "Microsoft"da Yanning eng gullagan davri deb Evropa bo'limida prezidentlik lavozimidagi faoliyatini aytish mumkin. 2014 yil Mulfeyt to'liq mental treninglarga etiborini qaratadi. "Men insonlar, tashkilot va mamlakatlar o'z potencialini ochishida yordam beraman", — Yan Mulfeytning rasmiy saytidagi shiori aynan shunday.
"Agar odam o'z iqtidori hamda ustun tomonlarini tushunib etsa, u nafaqat samaraliroq ishlay boshlaydi, balki baxtliroq ham bo'ladi. Er yuzida bor yo'g'i 13% inson o'z ishidan zavqlanib faoliyat yuritadi. Qolganlar esa faqat pul uchun ishlaydi. O'z-o'zidan ko'rinib turibdiki, dunyo 13% inson uchungina ideal ko'rinishda namoyon bo'lmoqda", – deydi Mulfeyt.
Yan mijozlari ichida Olimpiya o'yinlari g'oliblari va muvaffaqiyat qozongan artistlar ham bor ekanligi etiborga loyiq. Demak, SHikning ham hayoti, ham maydondagi harakatlari o'zgarishini kutish qoldi xolos.
Bosh sahifaga
112