Jamoa azolari 3 yanvar kuni to'planishdi va dastavval tibbiy ko'rikdan o'tishdi. So'ngra jamoa azolari jismoniy tayyorgarlik bo'yicha mutaxassis Laslo Yambor qo'l ostida chigalyozdi mashg'ulotlarini olib borishdi.
Dastlabki kungi mashg'ulotlarga legionerlardan Marko Simich, Dragan CHeran kelib qo'shilishdi. SHartnomasi tugagan Tiago Bezerra esa hozircha jamoa lageriga qo'shilgani yo'q. Tomonlar hali yangi bitimga imzo chekishgani yo'q. Superliga to'purarining kelasi mavsumni qaerda o'tkazishi hozircha to'liq hal etilmagan. Tez orada tomonlar muzokara o'tkazish uchun stol atrofiga o'tirishlari kutilmoqda. Ismoil Gonsalvesh esa bugundan mashg'ulotlarga qo'shilishi kutilmoqda.
"Paxtakor"ni yangi mavsum oldidan bazi legionerlar tark etish ehtimoli yuqori. CHunki klub rahbariyati jamoaga yangi legioner olib kelish taraddudida. Ayni paytda "Paxtakor" yangi legioner futbolchi bilan muzokaralar o'tkazmoqda.
Mashg'ulotlarga yangilardan o'tgan mavsumni "Bunyodkor"da o'tkazgan va "sherlar"ning yangi azosiga aylangan Akrom Komilov ishtirok etmoqda.
Qo'lining panjasini sindirib olgan Eldorbek Suyunov umumiy guruhda ham, darvozabonlar mashg'ulotlarida ham bemalol to'p bilan ishlamoqda.
Kichik jarohat olgan Aleksandr Lobanov birinchi kun mashg'ulotlarida ishtirok etmadi.
Ijaradan qaytgan futbolchilar, xususan Botirali Ergashev ham "Paxtakor" lagerida shug'ullanmoqda. Yaqinda jarrohlik stoliga yotqizilgan darvozabon umumiy guruh mashg'ulotlariga yanvar oyi so'nggida qaytishi kutilmoqda. Kiper hozircha individual mashg'ulotlar o'tkazmoqda.
"Paxtakor"ning kechagi mashg'ulotidan fotogalereyani saytimizning maxsus bo'limi orqali tomosha qilishingiz mumkin. >>>>> FOTOGALEREYA
Bosh sahifaga
108