Ushbu turnirda bir qator osiyolik yulduzlar turli sabablarga ko'ra ishtirok eta olishmaydi.
1. SHinji Kagava
Terma jamoasi: Yaponiya
Poziciyasi: yarim himoyachi
Yoshi: 29
Klubi: "Borussiya D" (Germaniya)
Terma jamoada: 95 ta o'yin, 31ta gol
Nega qatnashmaydi?
Kagava "Borussiya Dortmund" safida etarlicha o'yin amaliyotiga ega bo'lmayotgani sabab, Yaponiya terma jamoasining yakuniy ro'yxatidan tushib qoldi.
2. Aaron Muy
Terma jamoasi: Avstraliya
Poziciyasi: hujumchi
Yoshi: 28
Klubi: "Xaddersfild" (Angliya)
Terma jamoada: 39ta o'yin, 5ta gol
Nega qatnashmaydi?
Aaron Muy 8 dekabr kuni "Arsenal"ga qarshi APL o'yinida o'ng tizzasidan olgan jarohati tufayli Osiyo Kubogini o'tkazib yuboradi.
3. SHinji Okazaki
Terma jamoasi: Yaponiya
Poziciyasi: hujumchi
Yoshi: 32
Klubi: "Lester" (Angliya)
Terma jamoada: 116ta o'yin, 50ta gol
Nega qatnashmaydi?
Yaponiya terma jamoasi bosh murabbiyi Xajime Moriyasu Okazakini "Lester" zaxira o'rindig'ida qolib ketayotgani uchun tarkibga kiritmadi.
4. Takashi Inui
Terma jamoasi: Yaponiya
Poziciyasi: yarim himoyachi
Yoshi: 30
Klubi: "Betis" (Ispaniya)
Terma jamoada: 31ta o'yin, 6ta gol
Nega qatnashmaydi?
Takashi Ispaniya LaLigasda muvaffaqiyatli to'p surayotgan bo'lsa-da, Yaponiya bosh murabbiyi mazkur yarim himoyachining xizmatiga muhtojlik sezmadi.
5. Server Jeparov
Terma jamoasi: O'zbekiston
Poziciyasi: yarim himoyachi
Yoshi: 36
Klubi: "Metallurg"
Terma jamoada: 126ta o'yin, 25ta gol
Nega qatnashmaydi?
Ektor Kuper bosh murabbiyga aylangach, Osiyoning ikki karra tengsiz futbolchisi O'zbekiston milliy terma jamoasidan chaqiruv olmay qo'ydi.
6. Vitaliy Denisov
Terma jamoasi: O'zbekiston
Poziciyasi: himoyachi
Yoshi: 31
Klubi: "Krilya Sovetov" (Rossiya)
Terma jamoada: 73ta o'yin, 1ta gol
Nega qatnashmaydi?
Jarohatlar girdobidan chiqib keta olmayotgan himoyachi terma jamoada o'z o'rnini yo'qotib qo'ydi va natijada Ektor Kuper etiboridan chetda qoldi.
7. Sebastian Soriya
Terma jamoasi: Qatar
Poziciyasi: hujumchi
Yoshi: 35
Klubi: "Al-Rayan" (Qatar)
Terma jamoada: 123ta o'yin, 40ta gol
Nega qatnashmaydi?
Qatarliklarning bir necha yillik etakchisi ayni damda "Al-Rayan" safida o'zini ko'rsatayotgan bo'lsa-da, yoshartirilgan Qatar termasidan taklif ololmayapti.
8. Nil Eterij
Terma jamoasi: Filippin
Poziciyasi: darvozabon
Yoshi: 28
Klubi: "Kardiff" (Angliya)
Terma jamoada: 58ta o'yin
Nega qatnashmaydi?
"Kardiff" 2019 yilning 5 yanvar — Kubok bahsida "Gillingem", 12 yanvar — "Xaddersfild" va 19 yanvar kuni "Nyukasl"ga qarshi o'yin o'tkazadi. "Kardiff" uni faqat bitta o'yinga qo'yib yuborishga tayyor edi. Biroq, Filippin bosh murabbiyi Sven Yoran Eriksen esa bunga rozi bo'lmadi va darvozabonni yakuniy ro'yxatga qo'shmadi. Malumot uchun, ayni paytga kelib Nil Eterij APLning joriy mavsumida eng ko'p seyv amalga oshirgan ikkinchi darvozabon bo'lib turibdi (79ta seyv). Undan oldinda faqat Lukash Fabianski bor (80ta seyv).
9. Nam Tay Xi
Terma jamoasi: Janubiy Koreya
Poziciyasi: yarim himoyachi
Yoshi: 27
Klubi: "Al-Duxayl" (Qatar)
Terma jamoada: 55ta o'yin, 6ta gol
Nega qatnashmaydi?
Tajribali futbolchi Nam Tae Xi 2018 yil 20 noyabr kuni O'zbekistonga qarshi o'rtoqlik o'yinida tizzasidan jarohat olib, 6 oyga safdan chiqqan edi.
10. Ali Al-Xabsi
Terma jamoasi: Ummon
Poziciyasi: darvozabon
Yoshi: 37
Klubi: "Al-Xilol" (Saudiya Arabistoni)
Terma jamoada: 120ta o'yin
Nega qatnashmaydi?
Jarohati sabab musobaqada ishtirok eta olmaydi. Tajribali kiper 2006-2017 yillarda Angliya klublarida to'p tepgan ("Bolton", "Uigan", "Brayton", "Riding").
Bosh sahifaga
305