Dastlab Xitoy bosh murabbiyi Marchello Lippi jurnalistlar savollariga javob berdi.
"Barchasi juda oddiy. Maqsadimiz imkon qadar yaxshi natija qayd etish.
Bu musobaqaga 40 kun davomida tinimsiz tayyorlandik. Osiyo Kubogida Janubiy Koreya, Yaponiya, Eron va Avstraliya kabi favoritlar bor. Ammo bunday musobaqalarda doim qaysidir jamoa syurpriz taqdim etadi. SHunday qilib biz syurpriz jamoa bo'lishimiz mumkin. Xitoy mamlakatida 7 yildan buyon ishlayapman. Xitoylik muxlislarga xursandchilik taqdim etmoqchiman.
Afsuski Vey va Ksiao birinchi o'yinda bizga yordam bera olishmaydi. Ular ikkinchi turda safga qaytishadi. Jamoamiz sardori Jeng Ji Qirg'iziston bilan bahsda bizga yordam bera olmasligini oldindan bilardik. Hamda o'yin uchun rejalarimizni usiz tuzdik.
Qirg'iziston terma jamoasi ishtirokidagi oxirgi 6-7ta o'yinni tomosha qildim. Ularning kuchli va kuchsiz tomonlarini bilaman. Ular bilan o'yinda qanday o'ynashni bilamiz. Bugungi texnologiyalar tufayli raqiblarimiz ham biz haqimizda barchasini biladi deb o'ylayman", - deydi Marchello Lippi.
SHundan keyin Qirg'iziston ustozi Aleksandr Krestinin o'z fikrlarini bildirdi.
"Hech kim tajriba bilan tug'ilmaydi. Uni sekin-asta to'plab boramiz. Musobaqaga sifatli tarzda tayyorlandik. Tayyorgarlik o'tgan yil bahor faslida, yo'llanmaga ega chiqqanimizda boshlangandi. Bir qator kuchli jamoalarga qarshi o'rtoqlik o'yinlarini o'tkazdik. Umuman olganda biz musobaqaga tayyormiz.
Xitoyda juda tajribali murabbiy bor. To'g'ri u Jahon chempioni bo'lgan. Ammo Lippi Xitoy bilan chempion bo'lmagan. Biz autsayder emasmiz, bu Xitoy OAVning fikri. O'yin 0:0 hisobi bilan boshlanadi, u yog'i nima bo'ladi ko'ramiz. Xitoy haqida bilganlarim: Kuchli va yaxshi jamoa. Biz raqib emas o'z o'yinimiz haqida bosh qotirayapmiz.
Xitoy safida etakchilar juda ko'p. Maydonda 11 nafar futbolchi o'ynaydi. Biz yuqori saviyada o'ynashga tayyormiz", - deydi Aleksandr Krestinin.
Bosh sahifaga
346