"Persepolis" avval Suyunov va Nesterovga qiziqqan
/ Kiritdi: BestMaster O'qilgan: 1042
Eronning "Persepolis" klubi O'zbekistonning eng yaxshi darvozabonlariga qiziqish bildirdi.
"Perspolis" vakillari Aleksandr Lobanovni o'z saflariga qo'shib olishlaridan avval "Nasaf" kiperi Eldorbek Suyunovga qiziqish bildirishgan. Lekin Suyunov u vaqtda "Nasaf" bilan shartnomasini uzaytirib bo'lgani sababli, bu taklifni ko'rib chiqmagan. Keyinchalik eronliklar "Lokomotiv" darvozaboni Ignatiy Nesterovning xizmatlaridan foydalanishga harakat qilishdi. Biroq Nesterovni ham "Lokomotiv" qo'yvorishni istamagan.
Keyinchalik "Persepolis" klubi vakillari "Paxtakor" darvozaboni Aleksandr Lobanovga taklif bilan chiqishgan. Aleksandr Lobanov esa bu taklifni qabul qildi va 6 oylik shartnomaga imzo chekdi. O'zbekiston terma jamoasi kiperi Aleksandr Lobanovning o'yini eronliklarga maqul keladigan bo'lsa, bitim yana bir yilga uzaytirilishi mumkin.
Bosh sahifaga
942