Bekobodliklar yana bir iqtidorli o'yinchi bilan kelishuvga erishdilar. Toshkent viloyatining AGMK jamoasi bilan xayrlashgan Muzaffar Muzaffarov uchinchi yig'indan etiboran bekobodliklar safiga kelib qo'shilgan edi. Tibbiy ko'rikdan keyin kuni kecha klub va futbolchi o'rtasida shartnoma rasmiylashtirildi.
Muzaffar Muzaffarov 1995 yilning 12 aprel sanasida tavallud topgan. 23 yoshda. Ampluasi yarim himoyachi. 2014 yildan buyon kuchlilar safida to'p surib kelmoqda. Birinchi mavsumni Farg'onaning “Neftchi” jamoasida o'tkazgan Muzaffar 2015-16 yillarda "So'g'diyona", 2017 yilda "Neftchi", 2018 yilda esa AGMK jamoasida faoliyat yuritdi. SHu yillar davomida Muzaffarov 96 uchrashuvda maydonga chiqib, raqiblar darvozasiga 13 ta gol kiritdi. 19 marta ogohlantirildi. 3 marta esa ikkitalik sariq kartochkalar tufayli maydondan chetlatilgan. Biz Muzaffarga "Metallurg" tarkibiga xush kelibsan, omad yor bo'lsin deymiz!
Muqaddam, "Metallurg" tarkibga Server Jeparov, Kamoliddin Tojiev, SHavkat Mullajonovlarni qo'shib olgandi. SHuningdek, bu mavsumdan etiboran sobiq paxtakorchilar Akbar Ismatullaev, Abbos Otaxonov hamda Stanislav Andreev ham “Metallurg” jamoasi sharafini to'laqonli azolar sifatida himoya etishadi.
Bosh sahifaga
396