MATNLI TRANSLYACIYA
YANGILASH
72. GOL! 1:1. Muhsin Al Gassani hisobni tenglashtirdi. Hozirgina maydonga tushgandi
71. Terma jamoamiz butkul qarshi hujum taktikasida o'ynamoqda. Hisob shuni taqazo qilmoqda
69. Bosh hakam haqida ikki og'iz: Raqib kichkinagina Sidiqovni qo'li bilan bo'g'ib to'pni olib qo'ydi, unga sariq ham yo'q.
67. Ummon yana bir jarima to'piga ega bo'ldi, xayriyat bu safar ham to'p oshirilgan joyda hech kim yo'q. Biroq Ummoning hujumlari to'xtay demayapti!
65. ZARBAAA! Jamilning kuchli zarbasi darvozaga emas burchak tomon ketdi, yaxshi.
63. O'yin davom etadi, xayriyat Nesterov o'yinni davom ettiradigan bo'ldi
61. ZARBA! Xaribning kuchli zarbasini Nesterov qaytardi. Bu vaziyatda u barmog'ini shikastlab oldi. SHifokorlar Ignatiyga yordam ko'rsatishmoqda.
60. Muxlislar bilmasligi mumkin kecha Dostonbek Hamdamovning dodasi Hamdam ota vafot etdilar. Bugun Dostonbek o'zida iroda topib maydonga tushdi. Bardam bo'l Dostonbek, o'zbek xalqi sen bilan!
59. O'zgarish. O'zbekiston. Sardor Rashidov o'rniga Dostonbek Hamdamov tushdi
58. Ogohlantirish. Ignatiy Nesterov. Bosh hakam g'alati qaror chiqardi, u darvozabonimiz vaqt cho'zayapti deb hisobladi, 58-daqiqadaya?
Ayni paytda Pim Verbek
56. Ummonning uzoooq davom etgan hujumini himoyaga qaytgan Marat Bikmaev to'xtatdi, faqat qoida buzib. Bizning darvozaga xavfli, judayam xafli jarima to'pi! Nesterov senga ishonamiz!
52. UXXXXXXXXXXXXXX! Ummonning xavfli hujumi, darvozamizga berilgan to'pga Masharipov o'zini qalqon qildi! Barakalla!
51. Raqib burchak to'pini amalga oshirdi, yana himoyachilarimiz qiynalib to'pni qaytarishdi.
50. Ummon ikkinchi taymning dastlabki besh daqiqasini faqat hujumda o'tkazdi, bunday o'ynash yaramaydi yigitlar!
Odil Ahmedov tomonidan urilgan gol Davron Hoshimovning kecha tug'ilgan qizalog'iga bag'ishlandi.
46. Ikkinchi taym boshlandi! OLG'A O'ZBEKISTON!
Birinchi taym tugadi. Hozircha O'zbekiston 1:0 hisobida oldinda
45+1. UXXXXXXXXXXXXX! Ummonliklar gol urishi mumkin edi, Nesterov ajoyib seyv namoyish etdi! Birinchi taym qahramoni so'zsiz Nesterov!
Malumot o'rnida: O'zbekiston terma jamoasining Osiyo Kubogidagi dastlabki gol mualliflariga aylangan futbolchilar: (1996-Igor SHkvirin), (2000-Mirjalol Qosimov), (2004-Mirjalol Qosimov), (2007-avtogol), (2011-Odil Ahmedov), (2015-Igor Sergeev), (2019-Odil Ahmedov)
40. Ummon gol o'tkazib yuborgach hujumga yanada ko'proq o'tmoqda. Samarasiz, shunday davom etaversin
Hisob ochilgan vaziyat.
33. Jamoamiz sardori jarima to'pini ajoyib tarzda amalga oshirib darvozaning uzoq burchagini aniq nishonga oldi - 1:0.
33. GOOOOOOOOOOOOOOOOOOOOOOOOOOOOOOOOOOOOOOOOOOOOOOL! ODIIIIIIIIIIIIIIIIIIIIIL AHMEDOOOOOOOOOOOOOOOOOV! VIDEONI KO'RISH
32. Yaxshi! Marat Bikmaev jarima to'pi ishladi. Darvozaga masofa taxminan 22 metr. To'p oldida Odil Ahmedov
30. Saytimizning telegramdagi kanalida o'yindan foto va video lavhalar berib borilmoqda: KANALGA O'TISH
29. Ogohlantirish. Jaloliddin Masharipov 2019 yilgi Osiyo Kubogida O'zbekiston safida sariq kartochka olgan birinchi futbolchi bo'ldi
29. Vakillarimiz burchak to'pini ijro etishdi, darvozabon to'pni qaytardi. Endi narigi burchakdan to'p uzatildi, ba safar himoyachi to'pni qaytardi!
27. ZARBA! Nihoyat vakillarimiz hujumga o'tishdi, Sidiqovning pasini ham, SHukurovning zarbasini ham himoyachilar qaytarishdi!
24. Televizor orqali o'yinni ko'rayotganlar nima uchun stadiondan shovqib bo'lib ketdi deb hayron qolmang. SHunchaki stadionga yana 100ga yaqin ummonlik muxlislar kirib kelishdi. Eslatib o'tamiz, BAA va Ummon chegaradosh davlatlar hisoblanadi.
22. Yana Ummon hujumga o'tdi, chap qanotdan uzatilgan to'pni Jamol Al Yahmadi darvozaga yo'llamoqchi bo'ldi, Masharipovga nisbatan qo'pol o'ynadi
18. Tan olish kerak Ummon bizga nisbatan hujumkorroq o'ynamoqda. Bizda hozircha umuman qulay vaziyat bo'lgani yo'q.
15. ZARBAAAAAAAAAAAAAAAAAAAAAAAAAAAA! DAHSHATLI SEYV! NESTEROVDAN! Osiyo rekordchisi bekorga birinchi raqamli darvozabon emasligini namoyish etdi!
15. UXXXXXXXXXXX! SAL QOLDIYA! Anzur Ismoilov o'ng qanotdan uzatilgan to'pni to'xtatishda xatoga yo'l qo'ydi va avtogol muallifi bo'lishiga oz qoldi.
14. Uchrashuvning dastlabki qismida hech bir tomon xavfli vaziyat yaratgani yo'q.
7. Ummon ustozi Pim Verbek bir joyda jim turibdi. Ektor Kuper esa shogirdlariga ko'rsatmalar berib bormoqda, hayajonlanayotgani sezilmoqda.
5. Ummonning hujumi. Dastlab to'p o'ng qanotdan jarima maydoniga uzatildi, so'ngra Ahmad Kano uzatgan to'p hech kimga tegmay maydonni tashlab chiqib ketdi
2. Dastlabki daqiqalarda jamoalar "razvedka" ishlarini olib borishmoqda. Hech bir tomon keskin hujumga o'tmayapti. Himoyani yaxshi ko'radigan murabbiylar o'rtasidagi bahsni ko'rayapmiz.
1. BOSHLADIK! OMAD YIGITLAR!
- Uchrashuvni O'zbekiston terma jamoasi boshlab beradi. Oqlar boshlaydi va g'alaba qozonadi! Nasib qilsa! Olg'a O'zbekiston!
- Jamoaviy suratga tushish yakunlandi
- Endi Ummon davlat madhiyasi yangramoqda.
- Dastlab O'zbekiston davlat madhiyasi
- Jamoalar maydonga chiqib kelishdi
- Bugun Egor Krimec, Oleg Zoteev, Otabek SHukurov, Javohir Sidiqov va Jaloliddin Masharipov Osiyo Kuboklarida debyut qilishadi.
- Uchrashuv boshlanishiga 15 daqiqa vaqt qoldi.
- Biroz avval guruhdoshlarimiz o'rtasidagi bahsda Yaponiya Turkmanistonni 3:2 hisobida taslim qildi.
- Ayni paytda SHarjada 24 daraja issiq. Maza qilib futbol o'ynaydigan havo o'ziyam!
- Futbolchilar esa o'yinoldi mashg'ulotlarini o'tkazishmoqda.
- Stadiondagi muhit ajoyib. O'zbekistondan ham, Ummondan ham ko'plab muxlislar turli hayqiriqlar bilan o'z sevimli jamoalarini qo'llab turishibdi.
- Assalomu alaykum qadrli futbol muxlislari "SHarja" stadionidan matnli translyaciyamizni boshlaymiz!
 Uzbekistan Odil Akhmedov - 34' | Asian Cup Grp. F . 1-tur 09/01/2019, 18:30 0 : 1 2-bo'lim |  Oman |
Stadion: Sharjah Stadium
Bosh hakam: Hyung-Jin Ko
Bosh sahifaga
231
